కళ్యాణ్ రామ్ డెవిల్: సిద్ శ్రీరామ్ పాడిన మాయే చేసే మెల్లగా పాట ప్రోమో రిలీజ్
కళ్యాణ్ రామ్ హీరోగా రూపొందుతున్న డెవిల్ సినిమా నుండి మొదటి పాటపై అప్డేట్ ఇచ్చిన సంగతి తెలిసిందే. తాజాగా మొదటి పాట ప్రోమోను ఇంతకుముందు రిలీజ్ చేశారు. మాయే చేసి మెల్లగా మది దోచేసింది చిన్నగా అనే పాట ప్రోమోలో కళ్యాణ్ రామ్, సంయుక్తా మీనన్ కనిపిస్తున్నారు. ఈ పాటకు సంగీతాన్ని హర్షవర్ధన్ రామేశ్వర్ అందించగా, సాహిత్యాన్ని ఆర్.వీ సత్య అందించారు. సిద్ శ్రీరామ్ గొంతులోంచి వచ్చిన పాట ప్రోమో ఆకట్టుకునేలా ఉంది. ఈ సినిమాలో కళ్యాణ్ రామ్ బ్రిటిష్ సీక్రెట్ ఏజెంటుగా కనిపిస్తున్నారు.
సెప్టెంబర్ 19వ తేదీన పూర్తి పాట రిలీజ్
పాన్ ఇండియా రేంజ్ లో విడుదలయ్యే ఈ సినిమాలోని మొదటి పాటను తెలుగులో మాత్రమే రిలీజ్ చేశారు. మరి ఇతర భాషల్లో కూడా ఈ పాటను రిలీజ్ చేస్తారా లేదా అనేది తెలియాలి. ప్రస్తుతం ప్రోమోను మాత్రమే రిలీజ్ చేశారు. పూర్తి పాట సెప్టెంబర్ 19వ తేదీన రిలీజ్ అవుతుందని వెల్లడి చేశారు. అభిషేక్ పిక్చర్స్ బ్యానర్ లో రూపొందుతున్న ఈ సినిమాను అభిషేక్ నామా నిర్మిస్తున్నారు. అయితే దర్శకుడిగా కూడా అభిషేక్ నామా పేరే ఉంది. నిన్న మొన్నటి వరకు దర్శకుడిగా నవీన్ మేడారం పేరు ఉండేది. కానీ సడెన్ గా ఆ స్థానంలో అభిషేక్ నామా పేరు కనిపిస్తోంది.
