Kanchana 4: భారీ అంచనాలతో తెరకెక్కుతున్న కాంచన 4.. దెయ్యం పాత్రలో పూజా హెగ్డే
ఈ వార్తాకథనం ఏంటి
ముని సిరీస్‌తో ప్రేక్షకులను మెప్పించిన రాఘవ లారెన్స్, సూపర్ హిట్ కాంచన సిరీస్‌ను మరోసారి తెరపైకి తెచ్చేందుకు ప్రయత్నిస్తున్నాడు.
2007లో ముని సినిమాతో ప్రారంభమై, 2011లో వచ్చిన కాంచనతో వరకు వచ్చిన సినిమాలన్నీ హిట్ అయ్యాయి.
అర్థనారీశ్వరి పాత్రలో శరత్ కుమార్ నటనతో ప్రేక్షకుల మనసు గెలుచుకున్నాడు. కాంచన 3 కూడా 2015లో ప్రేక్షకులను విపరీతంగా ఆకట్టుకున్న విషయం తెలిసిందే.
చాలా కాలంగా హీరోగా నటిస్తూ బిజీగా ఉన్న లారెన్స్, ఇటీవల ఇచ్చిన ఇంటర్వ్యూలో కాంచన్ 4 చిత్రానికి సంబంధించిన కథ పూర్తయిందని తెలిపారు.
ఈ సినిమా కూడా గత సినిమాల మాదిరిగానే ప్రేక్షకులను ఆకట్టుకుంటుందని చెప్పారు.
Details
వంద కోట్లతో తెరకెక్కుతున్న కాంచన 4
తాజాగా ఈ చిత్రానికి సంబంధించిన కీలక అప్‌డేట్ ఒకటి వెలుగులోకి వచ్చింది.
ఈ సినిమాలో హీరోయిన్‌గా పూజా హెగ్డేను ఎంపిక చేసినట్లు సమాచారం. తొలుత నయనతారను తీసుకోవాలని భావించినప్పటికీ, చివరికి పూజా హెగ్డేను ఫైనల్ చేశారట.
ఈ చిత్రం దాదాపు రూ. 100 కోట్ల భారీ బడ్జెట్‌తో తెరకెక్కుతోంది.
బాలీవుడ్‌కు చెందిన గోల్డ్ మైన్ మూవీస్ ఈ సినిమాను నిర్మిస్తోంది. త్వరలో ఈ సినిమా షూటింగ్ ప్రారంభమవుతుందని చిత్ర బృందం వెల్లడించింది.