Kantara-Chapter-1: మరోసారి మ్యాజిక్ చూపించనున్న రిషబ్ శెట్టి.. దీపావళి కానుకగా 'కాంతార చాప్టర్ 1' కొత్త ట్రైలర్
ఈ వార్తాకథనం ఏంటి
కన్నడ నటుడు రిషబ్ శెట్టి రూపొందించిన 'కాంతార చాప్టర్-1' ప్రస్తుతం బాక్సాఫీస్ వద్ద అద్భుతమైన కలెక్షన్లు సాధిస్తూ కొత్త రికార్డులు సృష్టిస్తోంది. ఈ సిరీస్ తొలి భాగం సాధించిన అపూర్వ విజయం అందరికీ తెలిసిందే. ఆ విజయానికి కొనసాగింపుగా,'చాప్టర్ 1'ఆ స్థాయిని మరింత ఎత్తుకు తీసుకెళ్తోంది. నటుడిగా, దర్శకుడిగా రిషబ్ శెట్టి తన ప్రత్యేక నేటివ్ స్టైల్‌తో భక్తి,ప్రకృతి,గ్రామీణ జీవనశైలి అంశాలను మిళితం చేసిన తీరు ప్రేక్షకులను ఆకట్టుకుంటోంది. థియేటర్లలో ఈ సినిమా ఇంకా విజయవంతంగా ప్రదర్శించబడుతుండగా, దీపావళి సందర్భంగా ప్రేక్షకులకు ఒక ప్రత్యేక సర్‌ప్రైజ్ ఇవ్వడానికి చిత్రబృందం సిద్ధమైంది. దీపావళి కానుకగా ఈ చిత్రంలోని కొత్త ట్రైలర్‌ను అక్టోబర్ 16న మధ్యాహ్నం 12.07 గంటలకు విడుదల చేయనున్నట్లు మేకర్స్ అధికారికంగా ప్రకటించారు.
వివరాలు
మరింత ప్రకాశించనున్న 'కాంతార' కాంతి
ఈ ట్రైలర్‌లో చూపించబోయే విజువల్స్, సన్నివేశాలు ఎలా ఉంటాయో అన్న ఆసక్తి ప్రేక్షకుల్లో మరింతగా పెరిగింది. రుక్మిణి వసంత్ కథానాయికగా నటించిన ఈ చిత్రానికి సంగీతం అందించిన అజనీష్ లోక్‌నాథ్ తన మ్యూజిక్ మాజిక్‌తో మరోసారి ప్రత్యేక ఆకర్షణగా నిలిచాడు. గ్రామీణ నేపథ్యం, ఫోక్ టచ్, మిస్టిక్ ట్యూన్స్ కలయికలో ఈ ఆల్బమ్ వినసొంపైన అనుభూతిని అందించింది. ఈ చిత్రాన్ని హొంబలే ఫిల్మ్స్ అత్యంత భారీ స్థాయిలో నిర్మించింది. మొత్తం మీద,ఈ దీపావళి రిషబ్ శెట్టి అభిమానులకు ప్రత్యేకమైన వేడుకగా నిలవనుంది. "దీపావళి దీపాల వెలుగుతో పాటు ఈసారి 'కాంతార' కాంతి మరింత ప్రకాశించబోతోందనడంలో ఎటువంటి సందేహం లేదు."