రైటింగ్ నుండే మొదలైన కాంతారా 2 ప్రమోషన్, సాలిడ్ అప్డేట్ ఇచ్చిన రిషబ్ శెట్టి
ఈ వార్తాకథనం ఏంటి
కాంతారా.. కన్నడ సినిమా ఇండస్ట్రీ నుండి వచ్చి పాన్ ఇండియా రేంజ్ లో కలెక్షన్ల వర్షాన్ని కురిపించిన చిత్రం. ఒక రకంగా చెప్పాలంటే సునామీ అనవచ్చేమో!
కేజీఎఫ్ తర్వాత అంతటి ప్రభావాన్ని చూపించిన కన్నడ చిత్రం ఇదే. ఇక్కడ విచిత్రం ఏమిటంటే, కాంతారా సినిమాను పాన్ ఇండియాగా తీర్చిదిద్దింది ప్రేక్షకులే.
నిజానికి చాలా తక్కువ బడ్జెట్ లో రూపొందిన ఈ చిత్రానికి పాన్ ఇండియా లెవెల్లో ప్రమోషన్లు జరగలేదు. సినిమా బాగుంది, మంచి అనుభవాన్ని పొందవచ్చన్న టాక్ రావడంతో మిగతా భాషల వాళ్ళు సైతం సినిమా నెత్తిన పెట్టేసుకున్నారు.
ఫలితంగా బ్లాక్ బస్టర్ వసూళ్ళు తెచ్చుకుంది. ప్రస్తుతం ఈ సినిమాకు ప్రీక్వెల్ తెరకెక్కబోతుంది. ఆల్రెడీ పనులు మొదలయ్యాయని అప్డేట్ వచ్చింది.
ట్విట్టర్ పోస్ట్ చేయండి
కాంతారా 2 పనులు మొదలెట్టిన రిషబ్ శెట్టి
ನಾಡಿನ ಸಮಸ್ತ ಜನತೆಗೆ ಯುಗಾದಿ ಹಬ್ಬದ ಶುಭಾಷಯಗಳು.
— Rishab Shetty (@shetty_rishab) March 22, 2023
Happy Ugadi !
ಬರವಣಿಗೆಯ ಆದಿ…Kantara writing begins ! pic.twitter.com/6nfIfCeEiu
కాంతారా
జూన్ లో మొదలయ్యే కాంతారా 2 షూటింగ్
కాంతారా సినిమా ఎక్కడ మొదలైందో, అక్కడి నుండి వెనక వైపు ఏం జరిగిందో చూపించడానికి రిషబ్ శెట్టి సిద్ధమయ్యాడు. ఆల్రెడీ రైటింగ్ పనులు స్టార్ట్ అయ్యాయని ట్విట్టర్ వేదికగా పోస్ట్ పెట్టాడు.
దీంతో కాంతారా గురించి ఆశగా చూస్తున్న అందరిలోనూ ఉత్సాహం కలిగింది. ఇప్పటి నుండి మొదలైన రైటింగ్ జూన్ వరకు కొనసాగే అవకాశం ఉందట. ఆ తర్వాత జూన్ నుండి షూటింగ్ మొదలయ్యే అవకాశం ఉందని అంటున్నారు.
సాధారణంగా పూజా ముహూర్తంతో ప్రమోషన్ పనులు, సినిమా పనులు మొదలవుతాయి. కానీ కాంతారా మీద జనాల ఆసక్తిని మరింత పెంచడానికి రైటింగ్ టైమ్ నుండే అప్డేట్స్ ఇస్తున్నాడు రిషబ్ శెట్టి.
మరి రిషబ్ శెట్టి కాంతారా ముందు ప్రపంచాన్ని ఎలా చూపిస్తాడో చూడాలి.