కాంతార ప్రీక్వెల్ బడ్జెట్ వందకోట్లు దాటుతోంది, ఆ మార్పులే కారణం?
ఈ వార్తాకథనం ఏంటి
సినిమాలు పాన్ ఇండియా రేంజ్ లో విడుదలైనా కూడా పాన్ ఇండియా విజయం అన్ని సినిమాలకు రాదు. కొన్ని సినిమాలు మాత్రమే పాన్ ఇండియా ఇమేజ్ తెచ్చుకుంటాయి. అలాంటి వాటిల్లో కాంతార ఒకటి.
కాంతార సినిమా సృష్టించిన సంచలనం అంతా ఇంతా కాదు. కన్నడ పరిశ్రమ నుండి కేజీఎఫ్ తర్వాత ఆ స్థాయిలో విజయాన్ని అందుకున్న చిత్రం కాంతార.
కేవలం 16కోట్లతో తెరకెక్కిన ఈ సినిమా, ప్రపంచవ్యాప్తంగా 450కోట్లు వసూలు చేసింది. ప్రస్తుతం కాంతారా ప్రీక్వెల్ రూపొందుతుంది. అంటే కాంతార సినిమాకు ముందు కథను ప్రీక్వెల్ లో చూపించబోతున్నారు.
తాజా సమాచారం ప్రకారం, కాంతార ప్రీక్వెల్ బడ్జెట్ వందకోట్లను దాటుతోందని అంటున్నారు. దానికి కారణాలు కూడా చెబుతున్నారు.
Details
ప్రీక్వెల్ లో స్టార్ క్యాస్ట్
కాంతార సినిమాలో స్టార్ క్యాస్ట్ ఎవ్వరూ లేరు. కానీ ఇప్పుడు రూపొందబోయే ప్రీక్వెల్ లో మాత్రం స్టార్ క్యాస్ట్ ఉండనున్నారని తెలుస్తోంది. అలాగే విజువల్ ఎఫెక్ట్స్ విషయంలో ఎక్కడా కాంప్రమైజ్ కాకుండా అద్భుతంగా తెరకెక్కించనున్నారట.
పై కారణాల వల్ల కాంతార ప్రీక్వెల్ బడ్జెట్ అమాంతం పెరిగిపోతుందని తెలుస్తోంది. అయితే బడ్జెట్ విషయంలో దర్శకుడు రిషబ్ శెట్టికి హాంబలే ఫిలిమ్స్ పూర్తి స్వేఛ్చను ఇచ్చేసారట.
ప్రస్తుతం ప్రీ ప్రొడక్షన్ పనులు జరుపుకుంటున్న కాంతార ప్రీక్వెల్, ఈ సంవత్సరం నవంబర్ నుండి షూటింగ్ కి వెళ్తుందట. వచ్చే సంవత్సరం థియేటర్లలోకి తీసుకురావాలని ప్లాన్ చేస్తున్నారు.