Kiara Advani: 'మా హృదయాలు ప్రేమతో నిండిపోయాయి'.. మరోసారి తల్లిదండ్రులు కానున్న కియారా, సిద్ధార్థ్
ఈ వార్తాకథనం ఏంటి
కియారా అడ్వాణీ, సిద్ధార్థ్ మల్హోత్ర దంపతులు మరోసారి తల్లిదండ్రులు కాబోతున్నారు. ఈ విషయాన్ని కియారా సోషల్‌ మీడియా వేదికగా అభిమానులతో పంచుకున్నారు. ''మా హృదయాలు ప్రేమతో నిండిపోయాయి'' అంటూ గుడ్‌న్యూస్‌ను వెల్లడించారు. దీంతో ఈ జంటకు అభిమానులు, సినీ ప్రముఖుల నుంచి శుభాకాంక్షలు వెల్లువెత్తుతున్నాయి. గతేడాది జులై 16న కియారా, సిద్ధార్థ్‌లకు పాప జన్మించిన విషయం తెలిసిందే. కియారా అడ్వాణీ, సిద్ధార్థ్ మల్హోత్ర తొలిసారి 2021లో విడుదలైన 'షేర్షా' సినిమాలో కలిసి నటించారు. ఈ సినిమా చిత్రీకరణ సమయంలోనే ఇద్దరి మధ్య ప్రేమ చిగురించింది.
వివరాలు
రాజస్థాన్‌లో వివాహం
అనంతరం తమ ప్రేమను కొనసాగించిన ఈ జంట.. 2023 ఫిబ్రవరి 7న రాజస్థాన్‌లో వివాహ బంధంలోకి అడుగుపెట్టారు.
తన ప్రేమకథకు సంబంధించిన వివరాలను కియారా గతంలో 'కాఫీ విత్‌ కరణ్‌' సీజన్‌ 8లో వెల్లడించారు.
పెళ్లి తర్వాత ఈ దంపతులు తమ వ్యక్తిగత జీవితాన్ని ఎక్కువగా ప్రైవేట్‌గా ఉంచారు.
తాజాగా మరోసారి తల్లిదండ్రులు కాబోతున్న విషయాన్ని సోషల్‌ మీడియా ద్వారా ప్రకటించడంతో అభిమానులు ఆనందం వ్యక్తం చేస్తున్నారు.
ట్విట్టర్ పోస్ట్ చేయండి
మరోసారి తల్లి కానున్న కియారా అడ్వాణీ
Many congratulations! 🥳❤️#SidharthMalhotra and #KiaraAdvani announce their second pregnancy. ✨#Trending pic.twitter.com/Xct5cWTPOt
— Filmfare (@filmfare) October 7, 2026