King Nagarjuna: నాగార్జున 'నా సామి రంగ' టైటిల్ సాంగ్ రిలీజ్
ప్రముఖ కొరియోగ్రాఫర్ విజయ్ బిన్ని దర్శకత్వం వహించిన, కింగ్, అక్కినేని నాగార్జున నటించిన సినిమా 'నా సామిరంగ (Naa Saami Ranga)'. జనవరి 14న సంక్రాంతి కానుకగా ఈ మూవీ ప్రేక్షకుల ముందుకు రానున్నట్లు మేకర్స్ ప్రకటించారు. తాజాగా మేకర్స్ మూవీ టైటిల్ సాంగ్ను చిత్ర బృందం విడుదల చేసింది. ఆస్కార్ అవార్డ్ విజేత ద్వయం ఎంఎం కీరవాణి, చంద్రబోస్ కాంబినేషన్లో ఈ సాంగ్ తెరకెక్కింది. హీరో క్యారక్టరైజేషన్ను వివరించే ఈ సాంగ్ అభిమానులను ఆకట్టుకుంది. దాదాపు 300 మంది నృత్యకారులపై ఈ పాటను దినేష్ మాస్టర్ కొరియోగ్రాఫీ చేశారు. ఈ సినిమాలో అల్లరి నరేష్, రాజ్ తరుణ్, ఆషికా రంగనాథ్, మర్నా మీనన్ కూడా కీలక పాత్రల్లో నటిస్తున్నారు.
