రూల్స్ రంజన్ సినిమా విడుదల వాయిదా.. కొత్త డేట్ ప్రకటించిన మేకర్స్
మీటర్ సినిమాతో ఫ్లాపును మూటగట్టుకున్న కిరణ్ అబ్బవరం, ప్రస్తుతం రూల్స్ రంజన్ సినిమాతో ప్రేక్షకులను అలరించడానికి వస్తున్నాడు. డీజే టిల్లు ఫేమ్ నేహా శెట్టి హీరోయిన్ గా కనిపిస్తున్న ఈ సినిమా ట్రైలర్ రిలీజై ప్రేక్షకుల నుండి మంచి రెస్పాన్స్ తెచ్చుకుంది. తాజాగా ఈ సినిమా నుండి అప్డేట్ వచ్చింది. ఈ సినిమాను సెప్టెంబర్ 28వ తేదీన రిలీజ్ చేస్తామని చిత్ర నిర్మాతలు ఇంతకుముందు ప్రకటించారు. ప్రస్తుతం సెప్టెంబర్ 28వ తేదీ నుండి అక్టోబర్ 6వ తేదీకి విడుదలను మార్చేశారు. ఈ మేరకు సరికొత్త పోస్టర్ ని చిత్ర బృందం రిలీజ్ చేసింది. స్టార్ లైట్ ఎంటర్టైన్మెంట్ బ్యానర్లో రూపొందుతున్న రూల్స్ రంజన్ సినిమాను రాతినం కృష్ణ డైరెక్ట్ చేస్తున్నారు.
