NBK 112 : బాలయ్య కోసం కొరటాల మాస్టర్ ప్లాన్.. తమిళ హీరోకు పవర్ఫుల్ పోలీస్ రోల్!
ఈ వార్తాకథనం ఏంటి
నందమూరి బాలకృష్ణ ప్రస్తుతం దర్శకుడు గోపీచంద్ మలినేని దర్శకత్వంలో తెరకెక్కుతున్న NBK111 ప్రాజెక్ట్తో బిజీగా ఉన్నారు. ఇటీవల షూటింగ్లో గాయపడిన బాలయ్య.. ప్రస్తుతం విశ్రాంతి తీసుకుంటూనే ఇప్పటివరకు పూర్తయిన సన్నివేశాలకు డబ్బింగ్ పూర్తి చేస్తున్నారని సమాచారం. ఆయన పూర్తిగా కోలుకున్న తర్వాత తిరిగి షూటింగ్లో పాల్గొననున్నారు. ఇదిలా ఉంటే.. బాలకృష్ణ తన 112వ చిత్రాన్ని స్టార్ డైరెక్టర్ కొరటాల శివ దర్శకత్వంలో చేయబోతున్న విషయం తెలిసిందే. ఈ భారీ ప్రాజెక్ట్కు సంబంధించి ఓ ఆసక్తికరమైన వార్త ప్రస్తుతం నెట్టింట వైరల్గా మారింది. ఈ సినిమాలో ఓ కీలకమైన ప్రత్యేక పాత్ర కోసం తమిళ హీరో ఆర్యను ఎంపిక చేయాలని కొరటాల శివ ప్లాన్ చేస్తున్నారట.
వివరాలు
పవర్ ఫుల్ పోలీస్ ఆఫీసర్ పాత్రలో ఆర్య..?
ఈ చిత్రంలో ఆర్య ఓ పవర్ఫుల్ పోలీస్ ఆఫీసర్ పాత్రలో కనిపించనున్నారని ఫిలిం నగర్లో టాక్ వినిపిస్తోంది.
కొరటాల శివ.. బాలయ్యను పూర్తి స్థాయి మాస్ అవతారంలో చూపిస్తూనే, ఫ్యామిలీ ఎమోషన్స్కు కూడా పెద్దపీట వేసేలా పవర్ఫుల్ స్క్రిప్ట్ను సిద్ధం చేశారని తెలుస్తోంది.
'దేవర' వంటి భారీ విజయం తర్వాత కొరటాల తెరకెక్కిస్తున్న చిత్రం కావడంతో ఈ కాంబినేషన్పై భారీ అంచనాలు నెలకొన్నాయి.
ఈ సినిమాకు సంబంధించి ఈ ఏడాది చివర్లో షూటింగ్ షెడ్యూల్ను ప్లాన్ చేస్తున్నట్లు తెలుస్తోంది.
భారీ బడ్జెట్తో తెరకెక్కనున్న ఈ చిత్రాన్ని యువసుధ ఆర్ట్స్, SLV సినిమాస్ బ్యానర్లపై సుధాకర్ చెరుకూరి, సుధాకర్ మిక్కిలినేని సంయుక్తంగా నిర్మిస్తున్నారు.