కోటలో కొనసాగుతున్న ఇండియన్ 2 మూవీ షూటింగ్
ఈ వార్తాకథనం ఏంటి
కమల్ హాసన్ హీరోగా తెరకెక్కిన భారతీయుడు సినిమాకు సీక్వెల్ గా ఇండియన్ 2 మూవీ రూపొందుతున్న సంగతి తెలిసిందే. శంకర్ దర్శకత్వం వహిస్తున్న ఈ సినిమా షూటింగ్ ఎప్పుడో పూర్తి కావాల్సింది. అనేక కారణాలు, అవాంతరాల వల్ల ఆలస్యం అవుతూ వచ్చింది. ప్రస్తుతం క్రమం తప్పకుండా చిత్రీకరణ జరుగుతూనే ఉంది. తాజాగా ఇండియన్ 2 షూటింగ్ పై ఒక అప్డేట్ వచ్చింది. ఈ చిత్ర షూటింగ్, తమిళనాడులోని కల్పక్కం జిల్లాలో డచ్ కోటలో జరుగుతోందట. యాక్షన్ ఘట్టాలను ఇక్కడ తెరకెక్కిస్తున్నారని తెలుస్తోంది. ఇటు ఇండియన్ 2 సినిమాను తెరకెక్కిస్తోన్న శంకర్, అటు రామ్ చరణ్ తో రామ్ చరణ్ 15వ సినిమాను కూడా ప్రేక్షకుల ముందుకు తీసుకొచ్చే పనిలో ఉన్నాడు.
రామ్ చరణ్
నెలరోజుల్లో సగం హైదరాబాద్, సగం చెన్నై తిరుగుతున్న శంకర్
శంకర్ చేస్తున్న రెండు సినిమాల మీద జనాలకు బాగా ఆసక్తి నెలకొంది. రామ్ చరణ్ 15వ సినిమాపై అంచనాలు వేరే లెవెల్లో ఉన్నాయి. ఇప్పుడు రామ్ చరణ్ కు అంతర్జాతీయ స్థాయిలో పేరొచ్చింది కాబట్టి ఆ సినిమా రేంజ్ మరో స్థాయిలో ఉంటుంది. ఇకపోతే ఇండియన్ 2 కూడా చాలా పెద్ద సినిమా. లైకా ప్రొడక్షన్స్ చాలా ప్రతిష్టాత్మకంగా రూపొందిస్తోంది. రెండు పెద్ద సినిమాల నడుమ శంకర్ అటూ ఇటూ తిరుగుతూనే ఉన్నాడు. నెలలో కొన్నిరోజుల పాటు రామ్ చరణ్ మూవీ కోసం హైదరాబాద్ వస్తున్నాడట. అలాగే ఇండియన్ 2 కోసం చెన్నై వెళ్తున్నాడట. ఈ రెండు చిత్రాలకు సంబంధించిన మరిన్ని వివరాలు మరికొద్ది రోజుల్లో తెలుస్తాయి.