తిక్కల్ ఫ్యామిలీని పరిచయం చేసిన లైఫ్ ఈజ్ బ్యూటిఫుల్ సినిమా హీరో సుధాకర్
లైఫ్ ఈజ్ బ్యూటిఫుల్ సినిమాతో హీరోగా పరిచయమైన సుధాకర్ కొమాకుల, ఆ తర్వాత రెండు మూడు సినిమాలు చేసినప్పటికీ సక్సెస్ అందుకోలేక పోయాడు. ప్రస్తుతం ఇంట్రెస్టింగ్ కథతో అందరి ముందుకు వస్తున్నాడు. నారాయణ అండ్ కో అనే సినిమాను చేస్తున్నాడు సుధాకర్. ఈ చిత్ర ఫస్ట్ లుక్, టైటిల్ ని రివీల్ చేసారు. ఫస్ట్ లుక్ పోస్టర్ లో మొత్తం ఐదు పాత్రలు కనిపించాయి. ఫోటోకి ఫోజ్ ఇస్తూ విరగబడి నవ్వుతున్నట్టుగా ఉన్నారు. తిక్కల్ ఫ్యామిలీని ఎక్స్ పీరియన్స్ చేయండి అనే ట్యాగ్ లైన్ ని ఈ పోస్టర్ కి అంటించారు. దాంతో ఈ సినిమా కథ, ఫ్యామిలీ డ్రామాగా ఉండబోతుందని, కామెడీ ప్రధానంగా రూపొందిందని అర్థమవుతోంది.
నిర్మాతగా మారిన సుధాకర్ కొమాకుల
సీనియర్ హీరోయిన్ ఆమని, దర్శక నటుడు దేవీ ప్రసాద్.. కుటుంబ యజమానుల్లాగా ఉన్నారు. జై క్రిష్ణ, పూజా కిరణ్, ఆరతి, యామినీ బీ ఇతర కీలక పాత్రల్లో నటిస్తున్నారు. పాపిశెట్టి ఫిలిమ్ ప్రొడక్షన్ బ్యానర్, సుఖ మీడియా సంయుక్తంగా నిర్మిస్తున్న ఈ చిత్రాన్ని పాపిశెట్టి బ్రదర్స్ నిర్మాతగా ఉన్నారు. ఈ సినిమాతో సుధాకార్ కొమాకుల కూడా ప్రొడ్యూసర్ గా మారాడు. సుధాకర్, సహ నిర్మాతగా వ్యవహరిస్తున్నాడు. చిన్న పాపిశెట్టి దర్శకత్వం వహిస్తున్న ఈ చిత్ర షూటింగ్ పూర్తయినట్లు సమాచారం. మరికొన్ని రోజుల్లో నారాయణ అండ్ కో చిత్రాన్ని ప్రేక్షకుల ముందుకు తీసుకురావాలని ప్లాన్ చేస్తున్నారు. మరి నారాయణ అండ్ కో సినిమా, సుధాకర్ కెరీర్ కి ఏమైనా హెల్ప్ చేస్తుందేమో చూడాలి.
