అల్లు అర్జున్ ఖాతాలో మరో గౌరవం: లండన్ కు పయనమవుతున్న ఐకాన్ స్టార్?
ఈ వార్తాకథనం ఏంటి
ఐకాన్ స్టార్ అల్లు అర్జున్ జాతీయ ఉత్తమ నటుడిగా ఎంపికై అందరి దృష్టిని ఆకర్షించారు. పుష్ప సినిమాలో నటనకి గాను అల్లు అర్జున్ కు జాతీయ ఉత్తమ నటుడు అవార్డు వరించింది.
తెలుగులో ఈ అవార్డు అందుకున్న మొట్టమొదటి కథనాయకుడిగా అల్లు అర్జున్ చరిత్ర సృష్టించారు. అయితే తాజాగా అల్లు అర్జున్ కు మరో గౌరవం లభించనుందని సమాచారం.
లండన్ లోని మేడమ్ టుస్సాడ్స్ మ్యూజియంలో అల్లు అర్జున్ మైనపు బొమ్మను ఆవిష్కరించబోతున్నారని తెలుస్తోంది.
ప్రస్తుతం ఈ విషయం సోషల్ మీడియాలో వైరల్ అవుతోంది. మైనపు బొమ్మ కోసం కొలతలు అందించడానికి అల్లు అర్జున్ మరో రెండు రోజుల్లో లండన్ వెళ్ళనున్నారని అంటున్నారు.
Details
ప్రభాస్, మహేష్ బాబుల తర్వాత అల్లు అర్జున్
మైనపు బొమ్మ విషయంలో వస్తున్న వార్తలు నిజమే అయితే తెలుగు సినిమా నుండి ప్రభాస్, మహేష్ బాబుల తర్వాత ఆ ఘనత అందుకున్న హీరోగా అల్లు అర్జున్ నిలుస్తారు.
మ్యూజియంలో ఆవిష్కృతం కాబోతున్న మైనపు బొమ్మ, పుష్ప సినిమాలోని పాత్రను పోలి ఉంటుందా లేదా ఇంకేదైనా సినిమాలోని పాత్రను తీసుకుంటారా అనేది ఇంట్రెస్టింగ్ గా మారింది.
అదలా ఉంచితే, అల్లు అర్జున్ ప్రస్తుతం పుష్ప 2 సినిమాలో నటిస్తున్నారు. సుకుమార్ దర్శకత్వం వహిస్తున్న ఈ సినిమా షూటింగ్ నెమ్మదిగా సాగుతోంది.
రష్మిక మందన్న హీరోయిన్ గా కనిపిస్తున్న ఈ సినిమాను 2024 ఆగస్టు 15వ తేదీన రిలీజ్ చేస్తున్నారు.