Hombale Films : కేజిఎఫ్ నుంచి మహావతార్ నరసింహ.. హోమ్‌బాలే ఫిల్మ్స్ అరుదైన ఘనత
ఈ వార్తాకథనం ఏంటి
కర్ణాటక కేంద్రిత ప్రొడక్షన్ కంపెనీ హోమ్‌బాలే ఫిల్మ్స్, వరుసగా బ్లాక్‌బస్టర్లు హిట్స్ కొడుతూ ఇండస్ట్రీలో తన ప్రత్యేక స్థానం సంపాదించింది. 'కేజిఎఫ్ చాప్టర్ వన్'తో ప్రపంచ దృష్టిని ఆకర్షించిన ఈ సంస్థ, ఆ తర్వాత వెనక్కి తిరిగి చూడలేదు. 'కేజిఎఫ్ చాప్టర్ టూ', 'కాంతారా', 'సలార్' వంటి సినిమాలతో క్రియేటివ్, కమర్షియల్ హిట్‌లను సృష్టించిన హోమ్‌బాలే, ఇటీవల విడుదల చేసిన 'మహావతార్ నరసింహ'తో మరో రికార్డు స్థాయి ఘనతను సాధించింది. ఈ సినిమా 300 కోట్ల రూపాయల కలెక్షన్స్ సాధిస్తూ ప్రొడక్షన్ హౌస్‌కు అరుదైన విజయం అందించింది.
Details
వరుసగా ఐదు పాన్ ఇండియా సినిమాలు విజయం
ఈ రోజుల్లో ఒక్క పాన్-ఇండియా హిట్ సాధించడం కూడా పెద్ద విషయం అయిన సమయంలో, ఐదు పాన్-ఇండియా సినిమాలను వరుసగా హిట్ చేయడం హోమ్‌బాలే ఫిల్మ్స్‌కు సాధ్యమైంది. కేజిఎఫ్ చాప్టర్ వన్ నుండి 'మహావతార్ నరసింహ' వరకు వచ్చిన సినిమాలు అన్ని మంచి లాభాలను తెచ్చిపెట్టాయి. ఇలాంటి విజయాల తరువాత, ఈ సంవత్సరం అక్టోబర్‌లో 'కాంతారా చాప్టర్ వన్' విడుదల కాబోతోంది. దసరా సందర్భంగా రిలీజ్ అవ్వబోయే ఈ సినిమా 1000 కోట్లు కలెక్షన్ సాధించే అవకాశం ఉన్నట్లు అంచనాలున్నాయి. అలాగే, భవిష్యత్తులో కూడా హోమ్‌బాలే ఫిల్మ్స్ లైన్‌లో మరిన్ని యాంటిసిపేటెడ్, బ్లాక్‌బస్టర్ సినిమాలు రాబోతున్నాయి.