భ్రమయుగం: ఒక్క పోస్టర్ తో పాన్ ఇండియా లెవెల్లో ప్రకంపనలు సృష్టించిన మమ్ముట్టి
మలయాళం స్టార్ మమ్ముట్టి గురించి ప్రత్యేకంగా పరిచయం చేయాల్సిన అవసరం లేదు. కళాతపస్వి కె విశ్వనాథ్ దర్శకత్వంలో రూపొందిన స్వాతికిరణం సినిమాతో తెలుగు వారికి కూడా మమ్ముట్టి పరిచయం అయ్యారు. ప్రస్తుతం మమ్ముట్టి నుండి భ్రమయుగం పేరుతో కొత్త సినిమా వస్తోంది. పాన్ ఇండియా లెవెల్లో రూపొందుతున్న ఈ సినిమా పోస్టర్ చూసిన ప్రతీ ఒక్కరూ షాక్ అవుతున్నారు. పోస్టర్ లో మమ్ముట్టి అవతారాన్ని చూసి ముక్కునే వేలేసుకుంటున్నారు. 72ఏళ్ళ వయసులో ఒంటిమీద చొక్కా లేకుండా, గారపట్టిన పళ్ళతో మమ్ముట్టి కనిపించారు.
2024వేసవిలో విడుదల కానున్న భ్రమయుగం
మమ్ముట్టి పుట్టినరోజు (సెప్టెంబర్ 7) సందర్భంగా విడుదలైన ఈ పోస్టర్, ఇంటర్నెట్ లో ప్రకంపనలు సృష్టిస్తోంది. పాన్ ఇండియా రేంజ్ లో రూపొందుతున్న సినిమాకు కేవలం ఒకే ఒక్క పోస్టర్ తో పాన్ ఇండియా రేంజ్ ప్రమోషన్ వచ్చేసింది. భ్రమయుగం పోస్టర్ చూస్తుంటే కథ చాలా ఇంటెన్స్ గా ఉండబోతున్నట్టు, అందులోని పాత్రలు మరింత స్ట్రాంగ్ గా ఉండబోతున్నట్టు అర్థమవుతోంది. ఈ సినిమాను రాహుల్ సదాశివన్ తెరకెక్కిస్తున్నారు. వైనాట్ స్టూడియోస్, నైట్ షిఫ్ట్ స్టూడియోస్ సంయుక్తంగా నిర్మిస్తున్న ఈ సినిమాను చక్రవర్తి రామచంద్ర, ఎస్ శశికాంత్ నిర్మిస్తున్నారు. ఈ సినిమాను 2024 వేసవిలో విడుదల చేయాలని ప్లాన్ చేస్తున్నారు.
