అన్న విష్ణుతో గొడవపై స్పందించిన మనోజ్: తనకంటే వాళ్లకే బాగా తెలుసంటూ వాదన
ఈ వార్తాకథనం ఏంటి
మంచు మనోజ్, మంచు విష్ణుల మధ్య గొడవలు ఉన్నాయన్న విషయ్ం మంచు మనోజ్ పోస్ట్ చేసిన వీడియోతో అందరికీ తెలిసిపోయింది. రెండు మూడు రోజుల నుండి సోషల్ మీడియాలో ఈ టాపిక్ ట్రెండ్ అయ్యింది.
తనను, తన బంధువులను మంచు విష్ణు కొట్టడానికి వస్తున్నాడనీ, ఇదీ పరిస్థితి అంటూ ఆ వీడియోలో మంచు మనోజ్ గొంతు స్పష్టంగా వినిపించింది.
ప్రస్తుతం ఈ వీడియోపై మంచు మనోజ్ స్పందించాడు. కీ.శే శ్రీహరి కొడుకు మేఘాంశ్ కొత్త సినిమా లాంచ్ అవుతున్న నేపథ్యంలో అతిధిగా వచ్చిన మనోజ్ ని మీడియా చుట్టుముట్టింది.
అన్నతో జరిగిన గొడవ గురించి ఏమంటారని మీడియా ప్రశ్నించగా, దాని గురించి మీడియాకే బాగా తెలుసన్నాడు.
మంచు మనోజ్
ఏప్రిల్ మొదటి వారంలో మొదలు కానున్న మనోజ్ మరో సినిమా
అన్నతో జరిగిన గొడవ గురించి పెద్దగా మాట్లాడకుండా, మీడియాకు తెలుసని చెప్పేసి, ఆ తర్వాత మేఘాంశ్ గురించి మాట్లాడాడు. ఇప్పుడు తమ్ముడి సినిమా మొదలైందని, అందుకే వచ్చాననీ, త్వరలో తన సినిమా కూడా మొదలు కాబోతుందనీ, అక్కడికి తమ్ముడు వస్తాడని అన్నాడు మనోజ్.
ఏప్రిల్ మొదటి వారంలో తన మరో సినిమా మొదలు కాబోతుందని, వాట్ ద ఫిష్ చిత్ర షూటింగ్ కూడా మరికొద్ది రోజుల్లో మొదలు కానుందని చెబుతూ, అందరి ఆశీర్వాదం కావాలని అన్నారు.
ఇంకా, జీవితంలో కొత్త దశ మొదలు పెట్టానని, ఇకపై పూర్తిగా సినిమాల వైపు వచ్చేస్తున్నానని అన్నాడు మనోజ్. సినిమాలు తీస్తూనే ఉంటానని, తనకు సినిమానే జీవితమనీ, సినిమా లేకపోతే తనకేమీ లేదనీ అన్నాడు మనోజ్.