మ్యాన్షన్ 24: హారర్ జోనర్లో తెలుగు ప్రేక్షకులను అలరిస్తున్న సిరీస్ విశేషాలు
మేల్ యాంకర్లలో ఎంతగానో పేరు తెచ్చుకున్న ఓంకార్, తెలుగు టెలివిజన్ తెరమీద చాలా షోస్ చేశారు. అయితే కొన్ని రోజుల క్రితం రాజు గారి గది సినిమాతో దర్శకుడిగాను మారారు. ప్రస్తుతం ఓంకార్ దర్శకత్వంలో వెబ్ సిరీస్ తెరకెక్కింది. మ్యాన్షన్ 24 పేరుతో రూపొందిన ఈ వెబ్ సిరీస్ డిస్నీ ప్లస్ హార్ట్ స్టార్ లో స్ట్రీమింగ్ అవుతోంది. ఓంకార్ గత సినిమాల మాదిరిగానే ఈ వెబ్ సిరీస్ కూడా హారర్ జానర్ లో రూపొందింది. ఒకానొక పాడుబడిన బిల్డింగులో ఎలాంటి భయంకరమైన సంఘటనలు జరిగాయనేది ఈ సిరీస్ లో చూపించారు.
భవంతిలో రహస్యాన్ని కనుక్కునేందుకు మహిళ ప్రయత్నం
పాడుబడ్డ భవంతిలో భయంకరమైన రహస్యాన్ని కనుక్కోవడానికి ఒక మహిళ చేసే విన్యాసమే ఈ సిరీస్ కథ అని తెలుస్తోంది. అక్టోబర్ 17వ తేదీ నుండి డిస్నీ ప్లస్ హాట్ స్టార్ లో మ్యాన్షన్ 24 సిరీస్ స్ట్రీమింగ్ అవుతోంది. హారర్ జోనార్ లో రూపొందిన ఈ వెబ్ సిరీస్ తెలుగు ప్రేక్షకులను అమితంగా ఆకట్టుకుంటుంది. ఇందులో నటించిన వారి విషయానికి వస్తే, వరలక్ష్మి శరత్ కుమార్, రాజీవ్ కనకాల, రావు రమేష్, సత్యరాజ్, అవికా గోర్, బిందు మాధవి, నందు, శ్రీమాన్, అభినయ, విద్యుల్లేఖ, బాహుబలి ప్రభాకర్ ఉన్నారు.
