ఓకే చెప్పడానికి ఎక్కువ ఆలోచించలేదంటున్న మీరా జాస్మిన్; పదేళ్ల తర్వాత రీ ఎంట్రీపై ఆసక్తికర కామెంట్స్
మీరా జాస్మిన్... తెలుగు ప్రేక్షకులు ఇంకా మర్చిపోలేని హీరోయిన్. అమ్మాయి బాగుంది సినిమాతో ఇండస్ట్రీకి పరిచయమైన ఈ భామ, ఆ తర్వాత భద్ర, గుడుంబా శంకర్, మహారథి వంటి సినిమాల్లో నటించింది. అయితే దాదాపు పదేళ్ళుగా తెలుగు సినిమాల్లో ఆమె కనిపించలేదు. ఆమె నటించిన చివరి తెలుగు చిత్రం మోక్ష. 2013లో రిలీజైంది. పదేళ్ళ తర్వాత ప్రస్తుతం విమానం అనే సినిమాతో రీ ఎంట్రీ ఇస్తోంది. ఈ నేపథ్యంలో తన రీ ఎంట్రీపై సోషల్ మీడియా వేదికగా ఇంట్రెస్టింగ్ కామెంట్స్ చేసింది. విమానం సినిమా కథ వినగానే తనకు బాగా నచ్చిందనీ, అందుకే ఎక్కువగా ఆలోచించకుండా ఓకే చెప్పేసినట్లు తెలియజేసింది.
వేశ్యగా యాంకర్ అనసూయ
విమానం సినిమాలో తన పాత్ర బాగుంటుందనీ, షూటింగ్ జరుగుతున్నంత సేపు తన పాత్ర, విమానం కథ మాత్రమే తన మైండ్ లో ఉండేవనీ, మిగతా విషయాలను తాను పట్టించుకునేది కాదని చెప్పుకొచ్చింది. విమానం సినిమాను తాను ఎంపిక చేసుకుందా? లేక తన రీ ఎంట్రీ కోసం విమానం సినిమానే తనను ఎంచుకుందా అనేది అర్థం కావట్లేదని మీరా జాస్మిన్ అన్నారు. సముద్ర ఖని, రాహుల్ రామకృష్ణ, యాంకర్ అనసూయ, మాస్టర్ ధృవన్ కీలక పాత్రల్లో కనిపిస్తున్న ఈ సినిమాను దర్శకుడు శివ ప్రసాద్ తెరకెక్కించారు. ఈ సినిమాలో యాంకర్ అనసూయ, వేశ్యగా కనిపిస్తోంది. తండ్రీ కొడుకుల మధ్య జరిగే కథ ఇది. జూన్ 9న ప్రపంచ వ్యాప్తంగా థియేటర్లలో విడుదల అవుతుంది.
