ఇండియన్ ఐడల్ సింగర్ ను ఇంటికి ఆహ్వానించి ఆశీర్వదించిన మెగాస్టార్ చిరంజీవి
ఈ వార్తాకథనం ఏంటి
తెలుగు వారి ఓటీటీ ఫ్లాట్ ఫామ్ ఆహాలో తెలుగు ఇండియన్ ఐడల్ 2 పేరుతో సింగింగ్ కాంపిటీషన్ జరుగుతున్న సంగతి తెలిసిందే.
ఈ కాంపిటీషన్ లో పాల్గొంటున్న విశాఖపట్నం బాలిక 14ఏళ్ల అయ్యన్ ప్రణతి టాలెంట్ కు మెగాస్టార్ ఫిదా అయ్యారు. అందుకే ప్రణతిని ఇంటికి ఆహ్వానించి ఆశీర్వదించారు మెగాస్టార్ చిరంజీవి.
చిరంజీవి దంపతుల ముందు కూర్చుని అన్నమయ్య కీర్తన పాడింది ప్రణతి. ఈ ఫోటోలు ఇంటర్నెట్ లో వైరల్ అవుతున్నాయి.
టాలెంట్ ఎక్కడ ఉన్నా చిరంజీవి ప్రోత్సహిస్తారని, చిన్నా పెద్దా అనే తేడా లేకుండా టాలెంట్ ఉన్నా ప్రతీ ఒక్కరినీ ఎంకరేజ్ చేస్తారని చిరంజీవి గురించి గొప్పగా మాట్లాడుతున్నారు.
Details
చిరంజీవి ప్రోత్సాహంతో పెరిగిన ప్రేరణ
చిరంజీవి అందించిన ప్రోత్సాహంతో ఉబ్బి తబ్బిబ్బయిన ప్రణతి, అసలు ఇలాంటి అవకాశం వస్తుందని అనుకోలేదని, చిరంజీవి దంపతుల ముందు కూర్చుని పాట పాడటం తనకెంతో ఆనందాన్ని ఇచ్చిందని తెలిపింది.
ఇంకా, తనలో చాలా కాన్ఫిడెన్స్ వచ్చిందనీ, ఆ నమ్మకంతో ముందు ముందు ఎపిసోడ్స్ లో మరింత బాగా పర్ఫార్మ్ చేస్తానని అంది.
ఆహా లో స్ట్రీమింగ్ అయ్యే తెలుగు ఇండియన్ ఐడల్ 2లో అయ్యన్ ప్రణతికి ఫాలోయింగ్ చాలా ఎక్కువే ఉంది. తన పాటలకు జడ్జిలు ఫిదా ఐపోతారు. సంగీత దర్శకుడు జీవీ ప్రకాష్ కుమార్ కూడా అయ్యన్ ప్రణతి టాలెంట్ పై పొగడ్తలు కురిపించాడు.
తెలుగు ఇండియన్ ఐడల్ 2 కాంపిటీషన్ లో థమన్, కార్తీక్, గీతామాధురి జడ్జిలుగా వ్యవహరిస్తారు.