Mega158 : మెగాస్టార్-అనిల్ రావిపూడి కాంబో ఖరారు.. సినిమా లాంచ్‌కు ముహూర్తం ఫిక్స్!
ఈ వార్తాకథనం ఏంటి
సంక్రాంతికి కానుకగా విడుదలైన 'సంక్రాంతికి వస్తున్నాం' బ్లాక్‌బస్టర్ హిట్‌గా నిలిచింది. ఈ విజయంతో విక్టరీ వెంకటేష్‌తో అనిల్ రావిపూడి హ్యాట్రిక్ విజయాలను నమోదు చేసుకున్నారు. గతంలో 'F2', 'F3' సినిమాలు సూపర్ హిట్ కాగా, ఇప్పుడు వచ్చిన ఈ చిత్రం సెన్సేషన్ క్రియేట్ చేసింది. ఈ విజయంతో యంగ్ డైరెక్టర్ అనిల్ రావిపూడి టాలీవుడ్ మెగాస్టార్ చిరంజీవితో సినిమా చేయబోతున్నారు. ఇటీవల అనిల్ మెగాస్టార్‌ను కలిసి కథ వినిపించగా, చిరంజీవి గ్రీన్ సిగ్నల్ ఇచ్చేశారు. అనిల్ రావిపూడి ఇటీవల వైజాగ్‌లో ఈ సినిమా డైలాగ్ వర్షన్ కూడా పూర్తి చేసారు. ఇప్పటి వరకు అధికారికంగా ప్రకటించని ఈ సినిమాను ఈ నెల 30న, నూతన తెలుగు సంవత్సరం సందర్భంగా లాంచ్ చేయనున్నారు.
Details
హైదరాబాద్‌లో గ్రాండ్ ఓపెనింగ్
హైదరాబాద్‌లోని రామానాయుడు స్టూడియోలో ఓపెనింగ్ సెర్మనీ నిర్వహించనున్నారు. ఈ ఈవెంట్‌కు విక్టరీ వెంకటేష్ ముఖ్య అతిథిగా హాజరుకానున్నారు. ఈ సినిమాతో వింటేజ్ చిరు మళ్లీ అలరించనున్నారని మెగా ఫ్యాన్స్ ఆశిస్తున్నారు. చిరు సరసన హీరోయిన్‌గా పలువురి పేర్లు వినిపిస్తున్నా, ఇంకా ఎవరిని ఫిక్స్ చేయలేదు. ఈ సినిమాకు భీమ్స్ సిసిరోళి సంగీతం అందించనుండగా, షైన్ స్క్రీన్ బ్యానర్‌పై సాహు గారపాటి అత్యంత భారీ బడ్జెట్‌తో నిర్మిస్తున్నారు. చిరు - అనిల్ రావిపూడి సినిమాను 2026 సంక్రాంతి కానుకగా రిలీజ్ చేసేలా ప్లాన్ చేస్తున్నారు.