Lionel Messi :14 ఏళ్ల తర్వాత భారత్‌లో మెస్సీ పర్యటన ఖరారు.. ఎప్పుడంటే?
ఈ వార్తాకథనం ఏంటి
ప్రపంచ ఫుట్‌ బాల్ దిగ్గజం, అర్జెంటీనా స్టార్ లియోనెల్ మెస్సీ భారత పర్యటన ఖరారైంది. మహారాష్ట్ర ముఖ్యమంత్రి దేవేంద్ర ఫడ్నవీస్ ఆదివారం ఈ విషయాన్ని అధికారికంగా ధృవీకరించారు. 14 ఏళ్ల తర్వాత మెస్సీ భారత్‌కు రాబోతుండటంతో అభిమానుల్లో ఆతురత పెరిగింది. గోట్ టూర్‌లో భాగంగా డిసెంబర్ 14, 2025న ముంబైలో మెస్సీ ప్రత్యక్షంగా ఉంటారని సీఎం తెలిపారు. మెస్సీ చివరిగా 2011లో కోల్‌కతా ఫ్రెండ్లీ మ్యాచ్ కోసం భారత్‌ను సందర్శించారు. ఈ ప్రత్యేక పర్యటనను సందర్భంగా మెస్సీ తన సంతకం చేసిన ఫుట్‌బాల్‌ను ముఖ్యమంత్రి ఫడ్నవీస్‌కు బహుమతిగా పంపారు.
Details
డిసెంబర్ 14న రాక
సీఎం తన ఎక్స్ హ్యాండిల్‌లో పంచుతూ 'లియోనల్ మెస్సీ మహారాష్ట్రకు వస్తున్నారు. నా యువ మిత్రులతో ఫుట్‌బాల్ ఆడబోతున్నారు! అతను ఇచ్చిన సంతక ఫుట్‌బాల్‌కు ధన్యవాదాలు. డిసెంబర్ 14న గోట్ టూర్‌లో ముంబైకి రాబోతున్న మెస్సీకి స్వాగతం పలుకుతున్నామని పేర్కొన్నారు. మెస్సీ పర్యటన మహారాష్ట్రలోని యువ ఫుట్‌బాల్ క్రీడాకారులకు గొప్ప అవకాశాన్ని అందిస్తోంది. రాష్ట్ర క్రీడా విభాగం మిత్ర (MITRA), వెస్టర్న్ ఇండియా ఫుట్‌బాల్ అసోసియేషన్ (WIFA) కలిసి 14 ఏళ్ల కింద యువ క్రీడాకారులను ఎంపిక చేస్తారు. డిసెంబర్ 14న ఈ యువ ఆటగాళ్లు మెస్సీతో కలిసి శిక్షణ పొందే అవకాశం లభించనుంది.
Details
కేరళలో ఫ్రెండ్లీ మ్యాచ్
ముఖ్యమంత్రి ఫడ్నవీస్ ఈ కార్యక్రమం యువతలో ఫుట్‌బాల్ పట్ల ఆసక్తిని పెంచుతుందని ఆశాభావం వ్యక్తం చేసి, కార్పొరేట్ సంస్థల సహకారాన్ని కోరారు. అలాగే, మెస్సీ పర్యటన కేవలం ముంబైలో మాత్రమే కాకుండా కేరళలో కూడా ఫ్రెండ్లీ మ్యాచ్ ఆడనుంది. కేరళ క్రీడా మంత్రి వి. అబ్దురహీమాన్ వెల్లడించినట్లుగా, నవంబర్ 2025లో ఫిఫా అంతర్జాతీయ విండోలో అర్జెంటీనా జాతీయ జట్టు కేరళలో ఫ్రెండ్లీ మ్యాచ్ ఆడనుంది. ఈ వివరాన్ని మంత్రి తన ఫేస్‌బుక్‌లో అధికారిక ఈమెయిల్ ఆధారంగా పంచుకున్నారు. ఈ పర్యటన భారత యువ ఫుట్‌బాల్ అభిమానులకు, మెస్సీ అభిమానులకు దేశీయ ఫుట్‌బాల్ ప్రోత్సాహకులకు విశేషంగా గుర్తుండే అవకాశం కానుంది.