లియో: 100 మిలియన్ల మార్కును చేరుకున్న నా రెడీ సాంగ్; విజయ్ ఖాతాలో నాలుగవ పాట
ఈ వార్తాకథనం ఏంటి
తలపతి విజయ్ నటిస్తున్న కొత్త చిత్రం లియో నుండి జులై 22వ తేదీన 'నా రెడీ' పాట రిలీజైన సంగతి తెలిసిందే. ఈ పాటకు యూట్యూబ్ లో రికార్డు స్థాయిలో వ్యూస్ వచ్చాయి.
రిలీజైనప్పటి నుండి ట్రెండింగ్ లోకి వెళ్ళిపోయిన ఈ పాట, తాజాగా 100 మిలియన్ల వ్యూస్ సొంతం చేసుకుంది. అది కూడా కేవలం నెలరోజుల్లోనే కావడం విశేషం.
ఇప్పటివరకు నా రెడీ పాటను పదికోట్ల మంది చూసారన్నమాట. అది కూడా కేవలం తమిళ వెర్షన్ లో మాత్రమే. ఇంకా ఒకే ఛానల్లోనే కావడం చెప్పుకోవాల్సిన విషయం.
Details
తెలుగులో రిలీజ్ కాని నా రెడీ పాట
విజయ్ హీరోగా నటించిన సినిమా పాటల్లో ఇప్పటివరకు మూడు పాటలు 100మిలియన్ల మార్కును అందుకున్నాయి. అందులో వారిసు సినిమాలోని రంజితమే, బీస్ట్ లోని అరబిక్ కూత్తు, మాస్టర్ లోని వాతికమింగ్ ఉన్నాయి.
ఇప్పుడు నా రెడీ పాట కూడా 100మిలియన్ల వ్యూస్ అందుకుంది. నా రెడీ పాటను తలపతి విజయ్, అనిరుధ్ రవిచందర్ కలిసి పాడారు.
తమిళంలో దుమ్ము లేపిన ఈ పాట, తెలుగులో రిలీజ్ కావాలని అభిమానులు ఎంతగానో ఎదురుచూస్తున్నారు. మరి మేకర్స్ ఎప్పుడు రిలీజ్ చేస్తారో చూడాలి.
త్రిష హీరోయిన్ గా కనిపిస్తున్న ఈ సినిమా, అక్టోబర్ 19న థియేటర్లలో విడుదల అవుతుంది.