OTT: ఓటీటీలోకి వచ్చేసిన నాగార్జున 'నా సామి రంగ'.. స్ట్రీమింగ్ ఎందులో అంటే..
టాలీవుడ్ కింగ్ నాగార్జున లీడ్ రోల్‌లో నటించి.. సంక్రాంతి కానుకగా విడుదలై బ్లాక్ బస్టర్ అయిన సినిమా 'నా సామి రంగ'. ఇప్పుడు ఈ మూవీ ఓటీటీలోకి వచ్చేసింది. ఈ చిత్రం మలయాళ చిత్రం 'పొరింజు మరియం జోస్‌'కి రిమేక్. ప్రముఖ కొరియోగ్రాఫర్ విజయ్ బిన్ని ఈ సినిమాకు దర్శకత్వం వహించారు. గ్రామీణ నేపథ్యంలో యాక్షన్ డ్రామాగా తెరకెక్కిన ఈ మూవీ ఇప్పుడు 'డిస్నీ ప్లస్ హాట్‌స్టార్‌' ఓటీటీ‌లో స్ట్రీమింగ్ అవుతోంది. తెలుగు, తమిళం, కన్నడ భాషల్లో ఇంగ్లీష్ సబ్‌టైటిల్స్‌తో పాటు స్ట్రీమింగ్ కోసం సినిమా అందుబాటులో ఉంది. ఈ చిత్రంలో అల్లరి నరేష్, ఆషికా రంగనాథ్, మిర్నా మీనన్, రాజ్ తరుణ్, నాసర్, షబీర్ కల్లరక్కల్ కీలక పాత్రల్లో నటించారు.
