Pallavi Prashanth: పల్లవి ప్రశాంత్‌కు 14 రోజుల రిమాండ్.. బెయిల్ ఇవ్వదంటూ పబ్లిక్ ప్రాసిక్యూటర్
ఈ వార్తాకథనం ఏంటి
బిగ్ బాస్ 7 విజేత పల్లవి ప్రశాంత్‌ను జూబ్లీహిల్స్ పోలీసులు అరెస్ట్ చేసి రిమాండ్‌కు తరలించారు.
గత రాత్రి గజ్వేల్‌లో అరెస్టు చేసిన అనంతరం ఆరు గంటల పాటు విచారణ జరిపారు.ప్రభుత్వ, ప్రైవేట్ ఆస్తులను ధ్వంసం చేయడంతో అరెస్టు చేసినట్లు పోలీసులు నిర్ధారించారు.
సెలబ్రిటీ హోదా ఎవరిని చట్టపరమైన పరిణామాల నుండి మినహాయించదని నొక్కిచెప్పిన పోలీసులు, చట్టానికి అతీతంగా ప్రవర్తించడం మానుకోవాలని ప్రజలను కోరారు.
రాత్రి, పల్లవి ప్రశాంత్,అతని సోదరుడిని న్యాయమూర్తి ముందు హాజరుపరిచారు. వారు వారికి 14 రోజుల జ్యుడీషియల్ కస్టడీకి రిమాండ్ చేశారు.
అనంతరం పోలీసులు వారిని చంచల్‌గూడ జైలుకు తరలించారు.
Details
మరో 16 మంది అరెస్టు
బిగ్ బాస్ షోలో పాల్గొన్న వారిపై కాకుండా షో హోస్ట్ నాగార్జునపై పోలీసులు కేసు పెట్టాలని సీపీఐ జాతీయ కార్యదర్శి నారాయణ డిమాండ్ చేశారు.
బిగ్ బాస్ సీజన్ 7 ముగింపు తర్వాత బస్సులు, పోలీసు వాహనాలను ధ్వంసం చేసిన మరో 16 మందిని పోలీసులు గురువారం అరెస్టు చేశారు.
వీరిలో 12 మంది మేజర్లు,నలుగురు మైనర్లు ఉన్నారు. అరెస్టయిన వారందరినీ జూబ్లీహిల్స్ పోలీసులు కోర్టులో హాజరుపరచనున్నారు.
ఈ క్రమంలో పల్లవి ప్రశాంత్ బెయిల్ పిటిషన్ పై నాంపల్లి కోర్టులో విచారణ జరిగింది.ఈ సందర్భంగా పల్లవి తరపు న్యాయవాది పల్లవి ప్రశాంత్, అతని సోదరుడికి బెయిల్ మంజూరు చేయాలని కోరారు.
Details
బెయిల్ పై తీర్పు రేపటికి వాయిదా
ఇక పోలీసుల తరపున పబ్లిక్ ప్రాసిక్యూటర్ వాదనలు వినిపించారు. ఆయన ఈ సందర్భంగా పల్లవి ప్రశాంత్ కి బెయిల్ ఇవ్వదని కోరారు.
ఒకవేళ బెయిల్ ఇస్తే సాక్ష్యాలు తారుమారు చేస్తారని పేర్కొన్నారు. ఇక ఈ క్రమంలో ఇరు పక్షాల వాదనలు విన్న నాంపల్లి కోర్టు పల్లవి ప్రశాంత్ బెయిల్ పై తీర్పు రేపటికి వాయిదా వేసింది.