Nandamuri Mokshagna: నందమూరి మోక్షజ్ఞ అరంగేట్రం.. భారీ ప్లాన్ చేసిన దర్శకుడు ప్రశంత్ వర్మ
నందమూరి బాలకృష్ణ తనయుడు నందమూరి మోక్షజ్ఞ తెరంగేట్రం ఎప్పుడెప్పుడా అని అభిమానులందరూ నిరీక్షిస్తున్నారు. త్వరలోనే అతను వెండితెర అరంగేట్రం చేయనున్నట్లు తెలుస్తోంది. హనుమాన్ చిత్రంతో బ్లాక్ బాస్టర్ హిట్ అందుకున్న ప్రశాంత్ వర్మతోనే మోక్షజ్ఞ తొలి మూవీ చేయనున్నట్లు తెలిసింది. ఇప్పటికే ఈ సినిమా చాలా హైప్ క్రియేట్ అవుతోంది. ఈ సినిమాను సోషియో ఫ్యాంటసీ జోనర్‌లో ప్రశాంత్ వర్మ తెరకెక్కిస్తున్నట్లు ఓ వార్త చక్కర్లు కొడుతోంది.
సెప్టెంబర్ 6న పూజా కార్యక్రమం
ఈ చిత్రం కోసం మోక్షజ్ఞ ప్రస్తుతం ట్రైనింగ్ కూడా తీసుకుంటున్నారు. ఈ మూవీని కూడా పాన్ ఇండియా స్థాయిలో రూపొందిస్తున్నట్లు తెలుస్తోంది. మోక్షజ్ఞ, ప్రశాంత్ వర్మ సినిమా పూజా కార్యక్రమానికి ఇప్పటికే డేట్ కూడా ఖరారైనట్లు తెలిసింది. మోక్షజ్ఞ పుట్టిన రోజైన సెప్టెంబర్ 6న ఈ కార్యక్రమం ఉంటుందని టాలీవుడ్‌లో టాక్ వినిపిస్తోంది. ఇక వైవిఎస్ చౌదరి ఇటీవల కళ్యాణ్ రామ్ తనయుడు జానకిరామ్‌ను లాంచ్ చేస్తున్నట్లు ప్రకటించిన విషయం తెలిసిందే.
