Nani: ఇటుకతో కోట కట్టిన నాని.. నేచురల్ స్టార్ సక్సెస్ ప్రొఫైల్ ఇదే!
ఈ వార్తాకథనం ఏంటి
టాలీవుడ్‌లో బ్యాక్‍గ్రౌండ్ లేకుండా తెలుగు సినిమాల్లో అడుగుపెట్టిన హీరో నాని, ఇప్పుడు స్టార్ హీరోగా ఎదిగారు.
కెరీర్‌ను ఒక సరైన ప్లాన్‌తో, పద్ధతిగా నిర్మించి, టాలీవుడ్‌లో తనకంటూ ఓ ప్రత్యేక స్థానాన్ని సంపాదించుకున్నారు. కొత్త టాలెంటెడ్ దర్శకులను, టెక్నిషియన్లను పరిచయం చేశాడు.
మూడు వందల కోట్ల కలెక్షన్స్‌తో నాని, స్టార్ హీరోల జాబితాలో చేరిపోయారు. ఇటీవలే హిట్ 3తో మరో బ్లాక్‌బస్టర్ కొట్టిన నాని, కెరీర్‌లో ఎన్నో రికార్డులను అందుకున్నారు.
Details
జనాలకు కనెక్ట్ అయ్యే నటుడు
నాని తెలుగు ప్రేక్షకులతో చాలా కనెక్ట్ అయ్యారు. కెరీర్ ఆరంభంలోనే 'అష్టాచెమ్మ' వంటి చిత్రాలతో ప్రేక్షకుల మనసులు గెలుచుకున్నారు.
ఆపై, 'భీమిలి కబడ్డీ జట్టు', 'అలా మొదలైంది', 'పిల్ల జమిందార్', 'ఎంసీఏ', 'జెర్సీ' వంటి చిత్రాలతో మరింత మంది ప్రేక్షకులకు చేరువయ్యారు.
ఈ సినిమాలతో ఆయన పక్కింటి అబ్బాయిలా కనిపించి, కుటుంబ ప్రేక్షకులు, యువతరం ప్రేక్షకులను కూడా ఆకట్టుకున్నారు.
''నాని సినిమా అంటే మినిమం గ్యారెంటీ అనే నమ్మకం ప్రేక్షకుల్లో ఏర్పడింది. రాజమౌళి దర్శకత్వంలో చేసిన 'ఈగ' సినిమా ప్రత్యేకంగా నిలిచిపోతుంది.
Details
మాస్ టర్న్‌ తీసుకున్న నటుడు
ఇక 'దసరా', 'హిట్ 3', 'సరిపోడా శనివారం' వంటి సినిమాలతో నాని తన మాస్ ఇమేజ్‌ను పెంచుకున్నారు. ఈ చిత్రాలు రూ.100 కోట్లు రాబట్టి ఆయన మాస్ హీరోగా ఎదిగారు.
తదుపరి 'ప్యారడైజ్' చిత్రం కూడా వైలెంట్ జోనర్లో ఉంటుంది, దీనిపై అంచనాలు ఎక్కువగా ఉన్నాయి.
నటనా ప్రతిభ
నాని తన పాత్రలో ఒదిగిపోయి మెప్పించే అద్భుతమైన నటుడు. 'నేను లోకల్' వంటి చిత్రాలలో యువకుడి హుషారైన పాత్రలు, 'జెర్సీ' వంటి చిత్రాలలో ఎమోషనల్ పాత్రలు, 'హిట్ 3', 'సరిపోడా శనివారం'' వంటి చిత్రాల్లో వైలెంట్ పాత్రలు నమ్మకంగా చేశాడు.
Details
ఆసిస్టెంట్ డైరక్టర్ గా కెరీర్ ప్రయాణం
నాని, అద్భుతమైన నటనతో పాటు, కెరీర్‌కు ఓ మంచి ప్లానింగ్‌తో వెళ్లారు. సినిమా పరిశ్రమతో సంబంధం లేని కుటుంబం నుంచి వచ్చిన నాని, అసిస్టెంట్ డైరెక్టర్‌గా తన కెరీర్ ప్రారంభించారు.
'అష్టాచెమ్మ'తో హీరోగా మారిన ఆయన, మొదట్లో కమర్షియల్ సినిమాలపై దృష్టి సారించారు.
ఇప్పుడు కొత్త కథలు ఎంచుకుని, ప్రయోగాలను చేస్తున్నా, ఆయన వృత్తి పద్ధతి సఫలమవుతోంది.
స్క్రిప్ట్ సెలెక్షన్
నాని, ఎప్పుడూ జాగ్రత్తగా మంచి కంటెంట్ ఉన్న కథలను సెలెక్ట్ చేస్తారు.
కమర్షియల్ ఎలిమెంట్లు ఉన్న కథలకు ప్రాధాన్యత ఇవ్వడమే కాక, 'భీమిలి కబడ్డీ జట్టు', 'జెర్సీ', 'పిల్ల జమిందార్' వంటి సినిమాలతో తన కెరీర్‌ను అభివృద్ధి చేసుకున్నారు.
Details
సినిమా పట్ల ప్యాషన్
నానికి సినిమాపై ప్యాషన్ చాలా ఎక్కువ. ప్రేక్షకులకు ఉత్తమమైన సినిమాలు అందించాలని ఎప్పుడూ కృషి చేస్తారు.
ఈ ప్యాషన్‌తోనే ఆయన, 'వాల్ పోస్టర్ సినిమాస్' బ్యానర్‌ను స్థాపించి, చాలా మంది కొత్త దర్శకులను పరిచయం చేశారు.
ఆస్తుల విలువ
నాని ప్రస్తుతం దాదాపు రూ.152 కోట్ల ఆస్తులు కలిగినట్టు అంచనాలు ఉన్నాయి. సినిమాలు, బ్రాండ్ ప్రచారాలు, నిర్మాతగా చేసిన చిత్రాలు ఆయన ఆర్థిక స్థితిని బలోపేతం చేశాయి.
ఈ విధంగా, నాని తన కెరీర్‌ను ఒక స్థిరమైన, సక్రమమైన పథంతో నిర్మించుకొని, తెలుగు సినిమా పరిశ్రమలో అగ్ర హీరోగా ఎదిగారు.