Nara Rohith Wedding: సినీ-రాజకీయ ప్రముఖుల మధ్య వైభవంగా నారా రోహిత్ పెళ్లి వేడుక
ఈ వార్తాకథనం ఏంటి
టాలీవుడ్ యువనటుడు నారా రోహిత్ (Nara Rohit) జీవితంలో కొత్త అధ్యాయం ప్రారంభమైంది. ఆయన నటి శిరీష (సిరి) (Sireesha)ను వివాహం చేసుకున్నారు. గురువారం రాత్రి ఈ వివాహ వేడుక అంగరంగ వైభవంగా జరిగింది. ఈ సందర్భంగా ఆంధ్రప్రదేశ్ ముఖ్యమంత్రి చంద్రబాబు నాయుడు, ఆయన సతీమణి భువనేశ్వరి, అలాగే సినీ, రాజకీయ రంగాల ప్రముఖులు హాజరై, వధూవరులను ఆశీర్వదించారు. 'ప్రతినిధి 2' (Prathinidhi 2) చిత్రంలో రోహిత్ సరసన శిరీష నటించారు. ఈ సినిమాతో మొదలైన పరిచయం క్రమంగా స్నేహంగా, ఆ తర్వాత ప్రేమగా మారింది. పెద్దల సమ్మతితో గతేడాది వీరి నిశ్చితార్థం జరిగింది.
వివరాలు
నటనపై ఉన్న ఆసక్తితో భారత్‌కు శిరీష
శిరీష స్వస్థలం రెంటచింతల, ఆంధ్రప్రదేశ్. ఆమె తల్లిదండ్రులకు నాలుగో సంతానం. శిరీష ఆస్ట్రేలియాలో ఉన్నత విద్యను పూర్తి చేసి, అక్కడే కొంతకాలం ఉద్యోగం చేశారు. అనంతరం నటనపై ఉన్న ఆసక్తితో భారత్‌కు తిరిగి వచ్చారు. హైదరాబాద్‌లో తన అక్క ప్రియాంక వద్ద ఉంటూ సినీ అవకాశాల కోసం ప్రయత్నించారు. ఆ ప్రయత్నాల ఫలితంగా ఆమెకు 'ప్రతినిధి 2'లో నటించే అవకాశం లభించింది. అదే రోహిత్‌తో పరిచయానికి దారితీసింది.