నరేష్, పవిత్ర హీరో హీరోయిన్లుగా సినిమా షురూ, వేసవిలో విడుదల
ఈ వార్తాకథనం ఏంటి
సీనియర్ యాక్టర్ నరేష్, సీనియర్ ఆర్టిస్ట్ పవిత్ర లోకేష్ ల గురించి సోషల్ మీడియాలో ఎప్పటికప్పుడు ఏదో ఒక వార్త ట్రెండ్ అవుతూనే ఉంటుంది.
మొన్నటికి మొన్న తామిద్దరూ పెళ్ళి చేసుకున్నామని, ఆశీర్వాదం కావాలని చిన్నపాటి గ్లింప్స్ వీడియో రిలీజ్ చేసారు.
తాజాగా నరేష్, పవిత్రలు ఒక సినిమాను ప్రకటించారు. విజయ కృష్ణ మూవీస్ బ్యానర్ లో రూపొందుతున్న ఈ చిత్రాన్ని తనే నిర్మిస్తున్నాడు నరేష్.
మళ్లీ పెళ్ళి అనే టైటిల్ తో తెరకెక్కుతున్న ఈ మూవీని, ప్రఖ్యాత నిర్మాత ఎమ్మెస్ రాజు దర్శకత్వం వహిస్తున్నారు. తెలుగు తో పాటు కన్నడలోనూ ఈ సినిమా రూపొందుతుంది.
ప్రస్తుతం మళ్ళీ పెళ్ళి సినిమా నుండి గ్లింప్స్ రిలీజ్ అయ్యింది.
మళ్లీ పెళ్ళి
గ్లింప్స్ లో మెరిసిపోతున్న నరేష్, పవిత్ర
ఈ గ్లింప్స్ వీడియోలో పవిత్ర పాత్ర అందంగా ముగ్గేస్తుంటే, నరేష్ పాత్ర అక్కడికి వచ్చి పవిత్రను ఓరగా చూస్తుంటాడు. గ్లింప్స్ వీడియోలో నరేష్, పవిత్ర ల కెమిస్ట్రీ చాలా బాగా కుదిరింది.
ఆ విషయం టైటిల్ పోస్టర్ లోనూ, గ్లింప్స్ లోనూ స్పష్టంగా అర్థమవుతోంది. సాంప్రదాయ బద్దమైన వస్త్రాల్లో నరేష్, పవిత్రలు మెరిసిపోతూ కనిపించారు. సురేష్ బొబ్బిలి అందించిన సంగీతం గ్లింప్స్ వీడియోను మరింత అందంగా మార్చింది.
ఎమ్ ఎన్ బాల్ రెడ్డి, సినిమాటోగ్రాఫర్ గా పనిచేస్తున్నారు. ఎడిటింగ్ బాధ్యతలను జునైద్ సిద్ధిఖీ తీసుకున్నారు. మళ్లీ పెళ్ళి సినిమాను వేసవిలో విడుదల చేయబోతున్నట్టు చిత్రబృందం ప్రకటించింది. కానీ రిలీజ్ తేదీని మాత్రం వెల్లడి చేయలేదు.
ట్విట్టర్ పోస్ట్ చేయండి
మళ్ళీ పెళ్ళి అంటూ ప్రేక్షకుల ముందుకు వస్తున్న నరేష్, పవిత్ర
#MalliPelli #MattheMaduve ❤️ pic.twitter.com/eqxa2TVELb
— H.E Dr Naresh VK actor (@ItsActorNaresh) March 24, 2023