Mahasakthi: దసరా కానుకగా నయనతార 'మహాశక్తి' ట్రైలర్‌.. విజువల్స్‌ అదుర్స్‌!
ఈ వార్తాకథనం ఏంటి
లేడీ సూపర్‌స్టార్ నయనతార ప్రధాన పాత్రలో నటిస్తున్న తాజా భారీ చిత్రం 'మహాశక్తి' (World of Mahasakthi) నుంచి మేకర్స్ కీలక అప్‌డేట్ ఇచ్చారు. సుందర్ సి దర్శకత్వంలో తెరకెక్కుతున్న ఈ సినిమాకు 'మహాశక్తి' అనే టైటిల్‌ను ఖరారు చేశారు. దసరా పర్వదినాన్ని పురస్కరించుకుని ఈ చిత్రానికి సంబంధించిన తెలుగు ట్రైలర్‌ను చిత్రబృందం తాజాగా విడుదల చేసింది. వెల్స్ ఫిల్మ్ ఇంటర్నేషనల్ (Vels Film International) పతాకంపై డా. ఇషారి కె. గణేష్ ఈ చిత్రాన్ని అత్యంత భారీ బడ్జెట్‌తో నిర్మిస్తున్నారు.
వివరాలు
త్వరలోనే రిలీజ్
ప్రముఖ సంగీత దర్శకుడు హిప్ హాప్ తమిళా ఈ సినిమాకు సంగీతం అందిస్తున్నారు. తాజాగా విడుదలైన ట్రైలర్‌లో నయనతార అత్యంత శక్తివంతమైన, పవర్‌ఫుల్ పాత్రలో కనిపించి ప్రేక్షకులను ఆకట్టుకున్నారు.
అద్భుతమైన విజువల్ ఎఫెక్ట్స్‌తో పాటు ఆకట్టుకునే బ్యాక్‌గ్రౌండ్ మ్యూజిక్ ట్రైలర్‌కు ప్రత్యేక ఆకర్షణగా నిలిచాయి. ఈ అంశాలు సినిమాపై ప్రేక్షకుల్లో భారీ అంచనాలను పెంచుతున్నాయి.
ఇప్పటికే టైటిల్‌తో పాటు తెలుగు ట్రైలర్‌ను విడుదల చేసిన చిత్రబృందం.. త్వరలోనే ఈ సినిమాను ప్రేక్షకుల ముందుకు తీసుకురానుంది.
అయితే సినిమా విడుదల తేదీకి సంబంధించిన పూర్తి వివరాలు ఇంకా వెల్లడించాల్సి ఉంది.