Rafael Nadal: టెన్నిస్ దిగ్గజం రాఫెల్ నాదల్ పై నెట్‌ఫ్లిక్స్ డాక్యుమెంటరీ.. మే 29 నుంచి 'రాఫా' స్ట్రీమింగ్

వ్రాసిన వారు Sirish Praharaju

Apr 30, 2026

01:24 pm

ఈ వార్తాకథనం ఏంటి

టెన్నిస్ లోకంలో చిరస్మరణీయ స్థానాన్ని సంపాదించిన రాఫెల్ నాదల్(Rafael Nadal) జీవితం ఆధారంగా రూపొందిన డాక్యుమెంటరీ త్వరలో ప్రేక్షకుల ముందుకు రానుంది. ఆయన అసాధారణ క్రీడా ప్రయాణం,జీవితంలోని కీలక ఘట్టాలను ప్రతిబింబిస్తూ రూపొందిన ఈ చిత్రాన్ని నెట్‌ ఫ్లిక్స్ అందించనుంది. 'రాఫా' అనే పేరుతో వస్తున్న ఈ డాక్యుమెంటరీ మే 29 నుంచి ప్రసారం కానున్నట్లు చిత్రబృందం అధికారికంగా వెల్లడించింది. ఆస్కార్ నామినేషన్ పొందిన దర్శకుడు జాకరీ హైన్జర్లింగ్(Zachary Heinzerling) తెరకెక్కించిన ఈ సిరీస్ నాలుగు భాగాలుగా రూపొందింది. ముఖ్యంగా 2024లో నాదల్ కెరీర్ చివరి ఏడాది,ఆయన ఎదుర్కొన్న తీవ్రమైన గాయాలు,తండ్రిగా స్వీకరించిన కొత్త బాధ్యతలు,రిటైర్మెంట్ నిర్ణయం వెనుక ఉన్న భావోద్వేగాలను ఈ డాక్యుమెంటరీ ఆవిష్కరించనుంది.

వివరాలు

డాక్యుమెంటరీ కోసం టెన్నిస్ అభిమానుల ఆసక్తి

"అవధులు లేని జీవితం" అనే భావనను ప్రతిబింబించే ట్యాగ్‌లైన్‌తో విడుదలైన పోస్టర్లు కోర్టులో ఆయన పట్టుదలను స్పష్టంగా చూపిస్తున్నాయి. ఈ డాక్యుమెంటరీలో నాదల్ చిరకాల ప్రత్యర్థులు, స్నేహితులైన రోజర్ ఫెదరర్, నోవాక్ జొకోవిచ్, జాన్ మెక్‌ఎన్రో ప్రత్యేక ఇంటర్వ్యూలు ప్రధాన ఆకర్షణగా నిలవనున్నాయి. క్రీడాకారులకు స్ఫూర్తినిచ్చే ఈ డాక్యుమెంటరీ కోసం ప్రపంచవ్యాప్తంగా టెన్నిస్ అభిమానులు ఆసక్తిగా ఎదురుచూస్తున్నారు.

ట్విట్టర్ పోస్ట్ చేయండి

ప్రేరణగా నాదల్ జీవితం.. 'రాఫా' డాక్యుమెంటరీ

"To reach the top, you have to go near the limit." - @RafaelNadal

The documentary series Rafa premieres May 29. pic.twitter.com/mvTY9rx0xn
— Netflix (@netflix) April 29, 2026