Netflix: ఆగస్ట్ 2న దర్శకుడు ఎస్ఎస్ రాజమౌళి జీవిత చరిత్ర డాక్యుమెంటరీ
బాహుబలి మూవీతో దేశం యావత్తూ కలెక్షన్లు కొల్లగొట్టారు SS రాజమౌళి. ఆ తర్వాత RRR తో ప్రపంచం దృష్టిని ఆకర్షించారు. ఇప్పుడు సూపర్ స్టార్ మహేష్ బాబుతో మూవీ చేయబోతున్నారు. ఇంకా సెట్స్ పైకి వెళ్లాల్సి వుంది. ఈ ప్రతిష్టాత్మక దర్శకుడి జీవిత చరిత్రపై నెట్ఫ్లిక్స్ ఓ డాక్యుమెంటరీని రూపొందించింది. అది ఆగస్టు 2న విడుదల కానుంది.
ప్రముఖుల అభిప్రాయంతో డాక్యుమెంటరీ
అనుపమ చోప్రా అందించిన ఈ డాక్యుమెంటరీలో జేమ్స్ కామెరూన్, జో రుస్సో ,కరణ్ జోహార్, ప్రభాస్, జూనియర్ ఎన్టీఆర్, వారి స్వీయ అనుభవాలు చెప్పనున్నారు. వీరిలో రానా దగ్గుబాటి , రామ్ చరణ్ వంటి సన్నిహితులు సహోద్యోగుల నుండి S.S రాజమౌళిపై అభిప్రాయం చెప్పనున్నారు. నెట్ఫ్లిక్స్ అప్లాజ్ ఎంటర్టైన్మెంట్ , ఫిల్మ్ కంపానియన్ స్టూడియోస్తో భాగస్వామ్యంతో డాక్యుమెంటరీని రూపొందించింది. ఇది భారతీయ మరియు అంతర్జాతీయ సినిమాలపై రాజమౌళి ప్రభావాన్ని ఇంటర్వ్యూలు తెరవెనుక ఫుటేజీలతో హైలైట్ చేస్తుంది. భారతీయ సృజనాత్మకతలపై నెట్ఫ్లిక్స్, మోడరన్ మాస్టర్స్ డాక్ సిరీస్లో ఈ చిత్రం భాగం అవుతుంది.
రాజమౌళిని కొనియాడిన సినీ రంగానికి చెందిన పెద్దలు
ఎస్.ఎస్. రాజమౌళి భారతీయ సినిమా గమనాన్ని మార్చిన దార్శనికుడు" అని నిర్మాత హోస్ట్ చోప్రా అన్నారు. ఆయన పని తీరు ప్రపంచవ్యాప్తంగా ప్రేక్షకులను ఆకర్షించింది. పురాణ కథనాలు కథా ప్రమాణాలను కొత్తరీతిని చూపాయి. ఆయన అసాధారణ వృత్తిని , చలనచిత్ర ప్రపంచంపై శాశ్వత ప్రభావాన్ని మరింతగా చూపటానికి యత్నిస్తున్నారు. ఇందుకు ఆయన నెట్ఫ్లిక్స్ , అప్లాజ్ ఎంటర్టైన్మెంట్తో కలిసి పని చేయడం మాకు చాలా ఆనందంగా ఉందన్నారు..
రాజమౌళి డాక్యుమెంటరీలో పని చేయడం సంతోషంగా వుంది
"S.S. రాజమౌళి డాక్యుమెంటరీలో Netflix , ఫిల్మ్ కంపానియన్ స్టూడియోస్తో కలిసి పని చేస్తున్నందుకు తాము సంతోషిస్తున్నాము" అని అప్లాజ్ మేనేజింగ్ డైరెక్టర్ సమీర్ నాయర్ అన్నారు. ఆయన ప్రత్యేకమైన ఆవిష్కరణ కథనం భారతీయ చలనచిత్ర నిర్మాణాన్ని విప్లవాత్మకంగా మార్చిందన్నారు . రాజమౌళి .. కళాత్మక అభివృద్ధిని బాహుబలి RRR మూవీలు ప్రతిబింబించాయి . అటువంటి చిత్రాలను ప్రేక్షకులకు అందించడానికి మేము సంతోషిస్తున్నామన్నారు. "సాహసోపేతమైన స్ఫూర్తి, ప్రపంచవ్యాప్తంగా వినోదాన్ని ఇష్టపడే ప్రేక్షకులపై రాజమౌళిచెరగని ముద్ర వేశారని కొనియాడారు. రాజమౌళి మునుపెన్నడూ లేని కధని చెప్పిన విధంగా ఎవరూ చెప్పలేదని పేర్కొన్నారు. దీంతో ఆయన సృజనాత్మక ప్రపంచం మనస్సులో ఒక ప్రత్యేకమైన చోటు సంపాదించారని వారంతా ప్రశంసించారు.