Thandel: భారీ ధరకు తండేల్ ఓటిటి హక్కులను సొంతం చేసుకున్న నెట్‌ఫ్లిక్స్ .. ఎంతంటే..?
అక్కినేని అందగాడు నాగ చైతన్య, సాయి పల్లవి జంటగా నటించిన చిత్రం తండేల్ . ఈ చిత్రానికి చందూ మొండేటి దర్శకత్వం వహిస్తున్నాడు. ఈ సినిమా డిసెంబర్ 20న విడుదలకు సిద్ధంగా ఉంది. ఈ సినిమా అనౌన్స్ అయినప్పటి నుంచి భారీ బజ్ నడుస్తోంది. ఫస్ట్ లుక్,టీజర్,ఇతర ప్రోమోలకు కూడా మంచి ఆదరణ లభించింది. కాగా, ఇప్పుడు ఈ సినిమా బిజినెస్ భారీ స్థాయిలో జరుగుతోందని తెలుస్తోంది .
నాగ చైతన్యకు ఇదే అతిపెద్ద డిజిటల్ డీల్
ప్రముఖ ఓటిటి ప్లాట్‌ఫారమ్ నెట్ ఫ్లిక్స్ అన్ని దక్షిణ భారతీయ, హిందీ భాషల కోసం తండేల్ డిజిటల్ హక్కులను 40 కోట్ల రూపాయలకు పొందింది. నాగ చైతన్యకు ఇదే అతిపెద్ద డిజిటల్ డీల్. ఈ సినిమాలో ప్రముఖ హాస్య నటుడు ప్రియదర్శి కీలక పాత్ర పోషిస్తున్నారు. GA2 పిక్చర్స్‌పై బన్నీ వాస్ ఈ సినిమాను నిర్మిస్తున్నారు. శామ్‌దత్ కెమెరా క్రాంక్ చేయగా, రాక్‌స్టార్ దేవి శ్రీ ప్రసాద్ సంగీతం అందిస్తున్నారు.
