సింగర్ చిన్మయి శ్రీపాదకు వల్గర్ గా మెసేజ్ చేసిన నెటిజన్, ఫైర్ అయిన చిన్మయి
గాయనిగా మంచి పేరు తెచ్చుకున్న చిన్మయి శ్రీపాద, సోషల్ మీడియాలో యాక్టివ్ గా ఉంటుంది. మహిళా సమస్యలపై సోషల్ మీడియా వేదికగా స్పందిస్తుంది. అటు గాయనిగా రాణిస్తూనే ఇటు డబ్బింగ్ ఆర్టిస్ట్ గాను శ్రీపాద పేరు తెచ్చుకుంది. సమంత చేసిన సినిమాలకు గాను చిన్నయి డబ్బింగ్ చెప్పిన సంగతి అందరికీ తెలిసిందే. అయితే ఇటీవల సోషల్ మీడియాలో చిన్మయి శ్రీపాదకు వింత అనుభవం ఎదురైంది. ఒకానొక నెటిజన్ చిన్మయికి వల్గర్ గా మెసేజ్ చేశాడు. ముందుగా, మీరంటే చాలా ఇష్టం. మహిళా సమస్యల కోసం మీరు పాటుపడే తీరు నాకు బాగా నచ్చుతుంది. మా చెల్లెలికి కూడా ఎన్నో చేదు అనుభవాలు ఎదురయ్యాయి అంటూ అతను మెసేజ్ చేశాడు.
రిప్లై ఇవ్వక పోయేసరికి వల్గర్ కామెంట్స్
ఆ మెసేజ్ లకు చిన్మయి స్పందించలేదు. దాంతో ఆ నెటిజన్ లోని మరో కోణం బయటపడింది. నాతో టైం స్పెండ్ చేస్తే నీకు ఎంత కావాలంటే అంత డబ్బు ఇస్తాను, అలాగే నీకు ఎలాంటి వస్తువునైనా కొంటాను.. లగ్జరీ లైఫ్ అందిస్తాను అంటూ చెడు అర్థం వచ్చేలా మెసేజెస్ చేశాడు. దీంతో చిన్మయి ఫైర్ అయ్యింది. ఈ వెధవను చూడండి. మొదట పద్ధతిగా మెసేజ్ చేశాడు. నేను రిప్లై ఇవ్వక పోయేసరికి వాడిలోని అసలు రంగు బయటపడింది. ఇలాంటి వాడిని ఏం చేయాలి? అయినా వీన్ని కాదు, వీన్ని పెంచిన వాళ్ళని అనాలి. ఇలాంటి వాళ్ళు సొసైటీలో చాలామంది ఉన్నారు కాబట్టి అమ్మాయిలు జాగ్రత్తగా ఉండాలని చిన్మయి తెలిపింది.
