The Rajasaab: యూరప్‌లో ప్రారంభమైన 'ది రాజాసాబ్‌' కొత్త షెడ్యూల్
ఈ వార్తాకథనం ఏంటి
కథానాయకుడు ప్రభాస్‌ సంక్రాంతి వేడుకల్లో భాగంగా 'ది రాజాసాబ్‌' చిత్రంతో ప్రేక్షకుల ముందుకు రానున్నారు. ఆయన టైటిల్‌ పాత్రలో నటిస్తున్న ఈ పాన్ ఇండియా సినిమాని మారుతి దర్శకత్వంలో తెరకెక్కిస్తున్న సంగతి తెలిసిందే. ఈ చిత్రాన్ని పీపుల్ మీడియా ఫ్యాక్టరీ నిర్మిస్తోంది. చిత్రంలో మాళవిక మోహనన్, నిధి అగర్వాల్, రిద్ది కుమార్ కథానాయికలుగా నటిస్తున్నారని సమాచారం. అంతేకాక సంజయ్ దత్ ముఖ్య పాత్రలో కనిపించనున్నారు. ప్రస్తుతం సినిమా ముగింపు దశలో ఉంది. ఈ వారం నుండి యూరప్‌లో కొత్త షెడ్యూల్ ప్రారంభం కానుందని నిర్మాతలు తెలిపారు. చిత్ర బృందం ఇప్పటికే అక్కడికి చేరుకుంది.
Details
జనవరి 9న రిలీజ్
ఈ కొత్త షెడ్యూల్‌లో భాగంగా, కథానాయకుడు మరియు కథానాయికలపై రెండు పాటలు చిత్రీకరించనున్నారు. ఇక, సినిమా నిర్మాణ పనులు శరవేగంగా జరుగుతున్నాయి. 'ది రాజాసాబ్‌' రొమాంటిక్‌ హారర్‌ కామెడీ ఎంటర్‌టైనర్‌గా రూపకల్పన అవుతోంది. ఇందులో ప్రభాస్‌ రెండుపాత్రలతో అలరించనున్నారు. ఈ పాన్ ఇండియా చిత్రం రాబోయే ఏడాది జనవరి 9న ప్రేక్షకుల ముందుకు రానుంది. తమన్ ఈ చిత్రానికి సంగీతం సమకూరుస్తున్నారు.