అక్కినేని అభిమానులకు పండగే: ఏజెంట్ నుండి రెండు అప్డేట్స్
ఈ వార్తాకథనం ఏంటి
అక్కినేని అఖిల్ హీరోగా కనిపిస్తున్న ఏజెంట్ మూవీ, ఏప్రిల్ 28వ తేదీన ప్రపంచ వ్యాప్తంగా విడుదలకు సిద్ధం అవుతోంది. సాక్షి వైద్య హీరోయిన్ గా పరిచయం అవుతున్న ఈ సినిమా నుండి తాజాగా రెండు అప్డేట్లు వచ్చాయి.
ఏజెంట్ ట్రైలర్ ఎప్పుడు రిలీజ్ అవుతుందో తెలిసిపోయింది. ఏప్రిల్ 18వ తేదీన కాకినాడలో ట్రైలర్ లాంచ్ ఈవెంట్ ఉంటుందని అంటున్నారు.
ఆ తర్వాత ఏప్రిల్ 23వ తేదీన ఏజెంట్ ప్రీ రిలీజ్ ఈవెంట్ ఉండనుందని ప్రచారం జరుగుతోంది. ఈ విషయమై మరికొద్ది రోజుల్లో అధికారిక సమాచారం రానుంది.
ఏజెంట్ సినిమా చీత్రీకరణ రేపటితో పూర్తవుతుందని ఫిలిమ్ నగర్ సర్కిల్స్ లో వినబడుతోంది. ఇకపై పూర్తి ఫోకస్ ప్రమోషన్లపై ఉండనుందని తెలుస్తోంది.
Details
ప్రీ రిలీజ్ కు రానున్న ఆర్ఆర్ఆర్ హీరోలు?
అయితే ఏజెంట్ ప్రీ రిలీజ్ ఈవెంట్ కు ఆర్ఆర్ఆర్ హీరోలైన రామ్ చరణ్, జూనియర్ ఎన్టీఆర్ అతిధులుగా వస్తున్నారని పుకార్లు వచ్చాయి.
అదలా ఉంచితే, అక్కినేని అఖిల్ కెరీర్ లో మొట్టమొదటి సారిగా పాన్ ఇండియా రేంజ్ లో తెరకెక్కిన చిత్రం ఏజెంట్. తెలుగు, హిందీ, తమిళం, కన్నడ, మళయాలం భాషల్లో రిలీజ్ చేస్తున్నారు.
ఏకే ఎంటర్టైన్మెంట్స్, సరెండర్ 2 సినిమాస్ బ్యానర్లు సంయుక్తంగా ఈ సినిమాను నిర్మిస్తున్నాయి. హిప్ హాప్ థమిజ సంగీతం అందించారు. ఏజెంట్ నుండి ఇప్పటికే మూడు పాటలు రిలీజ్ అయ్యాయి. అందులో రెండు ప్రేమ పాటలున్నాయి.
మోస్ట్ ఎలిజబుల్ బ్యాచులర్ సినిమాతో ఓ మోస్తారు విజయం అందుకున్న అఖిల్, ఏజెంట్ తో ఎలాంటి విజయం అందుకుంటాడో చూడాలి.