Swayambhu: హీరో నిఖిల్ ప్రధాన పాత్రలో స్వయంభు.. సినిమాపై హైప్ పెంచిన పోస్ట్
హ్యాపీడేస్ సినిమాతో హీరోగా కెరీర్ ప్రారంభించిన నిఖిల్ సిద్ధార్థ ఇప్పుడు పాన్ ఇండియా స్టార్ గా మారాడు. లవ్, యాక్షన్ చిత్రాలతో అలరిస్తున్న నిఖిల్.. ఇప్పుడు పీరియాడిక్ డ్రామాతో అలరించేందుకు రెడీ అవుతున్నాడు. కార్తీకేయ-2 మూవీతో నార్త్ లోనూ క్రేజ్ సంపాదించుకున్న నిఖిల్.. ఇప్పుడు వరుసగా భారీ బడ్జెట్ ప్రాజెక్ట్స్ చేసేందుకు రెడీ అయ్యాడు. ప్రస్తుతం నిఖిల్ ప్రధాన పాత్రలో తెరకెక్కుతున్న చిత్రం స్వయంభు.ఇప్పటికే ఈ మూవీ నుంచి రిలీజ్ అయిన పోస్టర్స్ మూవీపై క్యూరియాసిటిని కలిగించాయి. పీరియాడిక్ యాక్షన్ డ్రామాగా వస్తున్న ఈ మూవీలో నిఖిల్ యోధుడిగా కనిపించనున్నాడు. త్వరలోనే ఈ సినిమాకు సంబంధించిన మరిన్న వివరాలను అనౌన్స్ చేయనున్నారు.
సినిమా కోసం నిఖిల్ కత్తిసాము, గుర్రపు స్వారీ, కర్రసాము
ఇక ఇప్పుడు ఈ మూవీపై మరింత హైప్ పెంచే విధంగా నిఖిల్ పోస్ట్ చేశాడు. ఈ చిత్రానికి ప్రపంచంలోనే అత్యుత్తమ టెక్సీషియన్స్ వర్క్ చేస్తున్నట్లు తెలిపాడు. ఠాగూర్ మధు సమర్పణలో పిక్సెల్ స్టూడియో నిర్మాణంలో భువన్, శంకర్ ఈ చిత్రాన్ని నిర్మిస్తున్నారు. భారీ అంచనాల మధ్య తెరకెక్కుతున్న ఈ చిత్రానికి భరత్ కృష్ణమాచారి దర్శకత్వం వహిస్తున్నారు. ఇందులో సంయుక్త మీనన్, నభా నటేష్ హీరోయిన్లుగా నటిస్తున్న సంగతి తెలిసిందే. సినిమా కోసం నిఖిల్ కత్తిసాము, గుర్రపు స్వారీ, కర్రసాము లాంటివి నేర్చుకున్నాడు. ఇందుకు సంబంధించిన వీడియోస్ కూడా నెట్టింట వైరలయ్యాయి.దీంతో ఇప్పుడు ఈ మూవీపై మరిన్ని అంచనాలు పెరిగాయి.
