నితిన్ బర్త్ డే: నితిన్ కెరీర్ లో గుర్తుండిపోయే సినిమాలు
ఈ వార్తాకథనం ఏంటి
2002లో రిలీజైన జయం సినిమాతో తెలుగు ఇండస్ట్రీలోకి అడుగు పెట్టిన నితిన్, ఈరోజు తన పుట్టిన రోజును జరుపుకుంటున్నాడు. జయం తర్వాత నితిన్ కెరీర్ మంచి ఊపులో సాగింది. దిల్, సై చిత్రాలతో నితిన్ గ్రాఫ్ వేరే లెవెల్ కి వెళ్ళిపోయింది. కానీ ఆ తర్వాతే నితిన్ కి ఫ్లాపులు మొదలయ్యాయి. వరుసపెట్టి దాదాపు డజను సినిమాలు ఫ్లాప్ అయ్యాయి. ఈ దశలో ఇష్క్ సినిమాతో హిట్ అందుకుని విజయాలకు సరికొత్త దారిని కనుగొన్నాడు. హిట్ తర్వాత గుండె జారి గల్లంతయ్యిందే, హార్ట్ అటాక్, అ ఆ వంటి సినిమాలు నితిన్ కెరీర్ ని గాడిన పడేలా చేసాయి. ప్రస్తుతం నితిన్ కెరీర్ లోగుర్తుండిపోయే సినిమాలను తెలుసుకుందాం.
నితిన్
నితిన్ కెరీర్ లో గుర్తుండిపోయే సినిమాలు
జయం: ఈ సినిమా ఎంత పెద్ద హిట్టో ప్రత్యేకంగా చెప్పాల్సిన పనిలేదు. తేజ దర్శకత్వం వహించిన ఈ సినిమాలో సదా హీరోయిన్ గా నటించింది. దిల్: దర్శకుడు వివి వినాయక్, నిర్మాత దిల్ రాజుల మొదటి చిత్రం ఇది. బాక్సాఫీసు దగ్గర వసూళ్ళ వర్షాన్ని కురిపించింది. వివి వినాయక్ తనలోని జీనియస్ ని ఈ సినిమాతో పరిచయం చేసాడు. సై: రాజమౌళి రూపొందించిన సినిమా ఇది. రగ్బీ ఆటను ప్రత్యక్షంగా చూస్తున్న అనుభూతిని కలిగించే సినిమా. ఇష్క్: నితిన్, నిత్యామీనన్ ల కెమిస్ట్రీ అద్భుతంగా ఉంటుంది. విక్రమ్ కె కూమార్ దర్శకత్వం వహించారు. అ ఆ: యద్ధనపూడు సులోచనా రాణి నవల మీనా ఆధారంగా త్రివిక్రమ్ రూపొందించిన ఈ సినిమా ఆహ్లాదంగా ఉంటుంది.