#NKR 21: యాక్షన్ మోడ్ లో కళ్యాణ్ రామ్; కొత్త సినిమా ప్రకటన వచ్చేసింది
బింబిసార, అమిగోస్ చిత్రాల తర్వాత డెవిల్ అనే సినిమాతో కళ్యాణ్ రామ్ వస్తున్న సంగతి తెలిసిందే. తాజాగా కళ్యాణ్ రామ్ పుట్టినరోజును పునస్కరించుకుని మరో కొత్త సినిమా ప్రకటన వచ్చింది. కళ్యాణ్ రామ్ కెరీర్లో 21వ సినిమాగా తెరకెక్కుతున్న ఈ సినిమా నుండి అనౌన్స్ మెంట్ పోస్టర్ ను రిలీజ్ చేసారు. యాక్షన్ ఎంటర్ టైనర్ గా రూపొందుతున్న ఈ సినిమాను ప్రదీప్ చిలుకూరి డైరెక్ట్ చేస్తున్నారు. అశోకా క్రియేషన్, నందమూరి తారక రామారావు ఆర్ట్స్ బ్యానర్లు సంయుక్తంగా నిర్మిస్తున్న ఈ సినిమాకు అశోక్ వర్ధన్ ముప్పా, సునీల్ బలుసు నిర్మాతలుగా ఉన్నారు. ఈ సినిమాలో హీరోయిన్, ఇతర పాత్రల్లో ఎవరెవరు నటిస్తున్నారో తెలియాల్సి ఉంది.
