ఎన్టీఆర్ 31: ఎన్టీఆర్ సరసన బాలీవుడ్ భామ, సాహో భామకు రెండవ తెలుగు సినిమా?
ఈ వార్తాకథనం ఏంటి
జూనియర్ ఎన్టీఆర్, ప్రశాంత్ నీల్ కాంబినేషన్ లో రూపొందే సినిమాపై అభిమానుల్లో భారీ అంచనాలు ఉన్నాయి. కేజీఎఫ్ దర్శకుడు ఎన్టీఆర్ ని ఏ లెవెల్లో చూపించబోతున్నాడోనని అందరూ ఎదురుచూస్తున్నారు.
ఎన్టీఆర్ కెరీర్లో 31వ సినిమాగా రూపొందుతున్న ఈ చిత్రం నుండి తాజాగా ఒక అప్డేట్ వచ్చింది. ఈ సినిమాలో హీరోయిన్ గా బాలీవుడ్ బ్యూటీ శ్రద్ధా కపూర్ కనిపించనుందని అంటున్నారు.
ఈ సినిమాలో హీరోయిన్ పాత్రకు ప్రాధాన్యం ఎక్కువగా ఉంటుందట. అందువల్ల అందరికీ తెలిసిన స్టార్ హీరోయిన్ అయితే కథకు సరిగ్గా సరిపోతుందని భావిస్తున్నారట.
అందుకే శ్రద్ధా కపూర్ అయితే సెట్ అవుతుందని ఆలోచిస్తున్నట్లు తెలుస్తోంది. అంతకు ముందు దీపికా పదుకునేను తీసుకుంటున్నారని వార్తలు వచ్చాయి.
Details
బయటకు రాని అధికారిక సమాచారం
శ్రద్ధా కపూర్ ని తీసుకునే విషయంపై ఎలాంటి అధికారిక సమాచారం రాలేదు. మరి శ్రద్ధాను తీసుకుంటారా, దీపికాను తీసుకుంటారా అనేది చూడాలి.
ప్రస్తుతం ఎన్టీఆర్, కొరటాల శివ దర్శకత్వంలో తెరకెక్కుతోన్న ఎన్టీఆర్ 30సినిమా చిత్రీకరణలో చాలా బిజీగా ఉన్నాడు. ఈ సినిమాలో బాలీవుడ్ భామ జాన్వీ కపూర్ హీరోయిన్ గా నటిస్తోంది.
ఇక ప్రశాంత్ నీల్ విషయానికి వస్తే, ప్రభాస్ తో సలార్ సినిమాను తెరకెక్కిస్తున్నాడు. శృతి హాసన్ హీరోయిన్ గా కనిపిస్తున్న ఈ సినిమాలో, మలయాళీ నటుడు పృథ్వీరాజ్ కనిపిస్తున్నారు. సెప్టెంబర్ 28వ తేదీన సలార్ సినిమా రిలీజ్ అవుతుంది.