ఎన్టీఆర్ ఖాతాలో మరో బ్రాండ్: మరోమారు అంబాసిడర్ గా తీసుకున్న సంస్థ
ఈ వార్తాకథనం ఏంటి
ఆర్ఆర్ఆర్ సినిమాతో జూనియర్ ఎన్టీఆర్ పేరు ప్రపంచవ్యాప్తంగా మారుమోగిపోయింది. హాలీవుడ్ దర్శకులు, యాక్టర్లు సైతం ఎన్టీఆర్ తో పనిచేయాలనుకుంటున్నారు.
ప్రస్తుతం కొరటాల శివ దర్శకత్వంలో దేవర సినిమాతతో బిజీగా ఉన్నారు ఎన్టీఆర్. అటు సినిమాలు చేస్తూనే ఇటు బ్రాండ్ అంబాసిడర్ యాడ్స్ లోనూ ఎన్టీఆర్ కనిపిస్తున్నారు.
తాజాగా మెక్ డొనాల్డ్స్ బ్రాండ్ అంబాసిడర్ గా ఎన్టీఆర్ ని తీసుకున్నారు. మెక్ డొనాల్డ్స్ యాడ్, టీవీలో ప్రసారమవుతున్న సంగతి తెలిసిందే.
అయితే ప్రస్తుతం ఎన్టీఆర్ ఖాతాలో మరో బ్రాండ్ కూడా చేరింది. ప్రఖ్యాత నగల సంస్థ మలబార్ గోల్డ్ అండ్ డైమండ్స్ కంపెనీ, తన బ్రాండ్ అంబాసిడర్ గా ఎన్టీఆర్ ను తీసుకుంది.
Details
యాడ్ షూట్ నుండి బయటకు వచ్చిన ఎన్టీఆర్ లుక్
గతంలో మలబార్ గోల్డ్ అండ్ డైమండ్ జులెవరీ సంస్థకు బ్రాండ్ అంబాసిడర్ గా ఎన్టీఆర్ పనిచేసారు. ప్రస్తుతం బ్రాండ్ అంబాసిడర్ గా వ్యవహరిస్తున్నందుకు గానూ కోట్ల రూపాయల్లో పారితోషికాన్ని ఎన్టీఆర్ తీసుకుంటున్నారట.
మలబార్ కు సంబంధించిన యాడ్ షూట్ జరిగిపోయిందని సమాచారం. యాడ్ షూట్ నుండి ఎన్టీఆర్ లుక్ బయటకు వచ్చి ఇంటర్నెట్ లో వైరల్ గా మారుతోంది.
ఎన్టీఆర్ పై తీసిన మలబార్ యాడ్, మరికొద్ది రోజుల్లో మార్కెట్లో ప్రసారం అవుతుందట. మలబార్, మెక్ డొనాల్డ్స్ కంపెనీలకు మాత్రమే కాకుండా, యాపీ ఫిజ్, లిషియస్, కే ఎఫ్ సి వంటి సంస్థలకు బ్రాండ్ అంబాసిడర్ గా ఉన్నారు ఎన్టీఆర్.