Jr. NTR: నెల్సన్ దిలీప్‌కుమార్‌తో ఎన్టీఆర్ సినిమా ఫిక్స్..!
ఈ వార్తాకథనం ఏంటి
మాన్ ఆఫ్ మాసెస్ జూనియర్ ఎన్టీఆర్ గత సంవత్సరం "దేవర" చిత్రంతో బ్లాక్‌బస్టర్ విజయాన్ని సాధించాడు.
కొరటాల శివ దర్శకత్వంలో వచ్చిన ఈ సినిమా, టాక్ తో సంబంధం లేకుండా ప్రపంచవ్యాప్తంగా అద్భుతమైన కలెక్షన్లు సాధించింది.
"దేవర"తో బాలీవుడ్‌లో తన మార్కెట్‌ను పటిష్టం చేసుకున్నాడు యంగ్ టైగర్. మలయాళం, తమిళంలో కూడా మంచి విజయం సాధించాడు. ప్రస్తుతం, ఎన్టీఆర్ సినిమాలపై రోజుకో కొత్త వార్తలు వెలువడుతున్నాయి.
ఇప్పుడు, తారక్ బాలీవుడ్ డెబ్యూ సినిమా "వార్-2"ని పూర్తి చేశాడు. ఈ సినిమా 2025 ఆగస్టులో విడుదల కానుంది.
అలాగే, కన్నడ స్టార్ దర్శకుడు ప్రశాంత్ నీల్‌తో కూడి ఒక సినిమా మొదలుపెట్టాడు,ఇది సంక్రాంతి 2026లో విడుదల కానుంది.
వివరాలు
నెల్సన్ డైరెక్షన్‌లో సినిమాకి గ్రీన్ సిగ్నల్
అలాగే, తమిళ స్టార్ దర్శకుడు నెల్సన్ దిలీప్‌కుమార్‌తో ఎన్టీఆర్ సినిమా చేస్తున్నట్లు ఇటీవల వార్తలు వినిపిస్తున్నాయి.
విశ్వసనీయ వర్గాల నుండి అందిన సమాచారం ప్రకారం, ఎన్టీఆర్ నెల్సన్ డైరెక్షన్‌లో సినిమా చేయడానికి గ్రీన్ సిగ్నల్ ఇచ్చాడని తెలిసింది.
నెల్సన్ చెప్పిన కథకు ఎన్టీఆర్ సినిమా చేసేందుకు గ్రీన్ సిగ్నల్ ఇచ్చేసాడని తెలిసింది.
అన్నీ ప్లాన్ ప్రకారం జరిగితే, 2026లో ఈ సినిమా విడుదల అవుతుంది అని అంచనా వేయవచ్చు.
ప్రస్తుతం, నెల్సన్ సూపర్ స్టార్ రజనీకాంత్ హీరోగా "జైలర్ 2" సినిమాను తెరకెక్కిస్తున్నాడు.
తాజాగా విడుదలైన ప్రోమోకు అద్భుతమైన రెస్పాన్స్ వచ్చింది. ఎన్టీఆర్, నెల్సన్ సినిమా అత్యంత భారీ బడ్జెట్‌తో, సితార నాగవంశీ నిర్మించనున్నాడు.