డబుల్ ఇస్మార్ట్ లాంచ్: రామ్ పోతినేని కొత్త సినిమా మొదలు
ఈ వార్తాకథనం ఏంటి
రామ్ పోతినేని, పూరీ జగన్నాథ్ కాంబినేషన్లో వచ్చిన ఇస్మార్ట్ శంకర్ ఎంత పెద్ద హిట్టో అందరికీ తెలుసు. రామ్ ని పూర్తి అవతార్ లో చూపించిన సినిమా అది.
అయితే ఇస్మార్ట్ శంకర్ కి సీక్వెల్ గా డబుల్ ఇస్మార్ట్ ఉంటుందని గతంలో పూరీ జగన్నాథ్ చెప్పుకొచ్చారు. తాజాగా ఈ సినిమాను ఈరోజు పూజా కార్యక్రమాలతో మొదలు పెట్టారు.
డబుల్ ఇస్మార్ట్ టీమ్, కొంతమంది అతిథులు ఈ కార్యక్రమాన్ని హాజరయ్యారు. నిర్మాతగా వ్యవహరిస్తున్న ఛార్మీ, క్లాప్ కొట్టగా, మొదటి షాట్ కి స్వయంగా పూరీ జగన్నాథ్ దర్శకత్వం వహించారు.
రెగ్యులర్ షూటింగ్ జులై 12నుండి మొదలవుతుందని, అలాగే 2024 మహాశివరాత్రి సందర్భంగా మార్చ్ 8న డబుల్ ఇస్మార్ట్ విడుదల అవుతుందని వెల్లడి చేసారు.
Details
పూరీ జగన్నాథ్ పూర్తి ఫోకస్ డబుల్ మీదే
లైగర్ ఫ్లాప్ తర్వాత పూరీ జగన్నాథ్ దర్శకత్వం వహిస్తున్న సినిమా ఇదే. విజయ్ దేవరకొండతో తెరకెక్కిస్తున్నట్లు తెలియజేసిన జనగణమన సినిమాను కూడా పక్కన పెట్టేసారు.
ప్రస్తుతం పూరీ ఫోకస్ మొత్తం డబుల్ ఇస్మార్ట్ మీదే ఉంది. ఇస్మార్ట్ శంకర్ కంటే ఎక్కువ ఎంటర్ టైన్మెంట్ డబుల్ ఇస్మార్ట్ అందిస్తుందని పూరీ జగన్నాథ్ తెలియజేసారు.
పూరీ కనెక్ట్స్ బ్యానర్లో రూపొందుతున్న ఈ సినిమాను పూరీ జగన్నాథ్, చార్మీ కౌర్ సంయుక్తంగా నిర్మిస్తున్నారు. విషు రెడ్డి సీఈవోగా వ్యవహరిస్తున్నారు.
ప్రస్తుతం సీక్వెల్స్ ట్రెండ్ నడుస్తున్న నేపథ్యంలో డబుల్ ఇస్మార్ట్ సినిమా, ప్రేక్షకులను ఎంత బాగా ఆకట్టుకుంటుందో చూడాలి.