సూర్య కంగువ రిలీజ్ డేట్ వచ్చేసింది: ఎప్పుడు విడుదల కానుందంటే?
సూర్య నటిస్తున్న భారీ బడ్జెట్ చిత్రం కంగువ పై అంచనాలు హై రేంజ్ లో ఉన్నాయి. సూర్య కెరీర్లో అత్యధిక బడ్జెట్ తో రూపొందుతున్న ఈ సినిమా నుండి సాలిడ్ అప్డేట్ వచ్చింది. కంగువ గ్లింప్స్ రిలీజ్ చేసేందుకు చిత్రబృందం సిద్ధమైపోయింది. ఈ మేరకు అధికారికంగా ప్రకటన ఇచ్చింది కూడా. సూర్య పుట్టినరోజు సందర్భంగా జులై 23వ తేదీన కంగువ గ్లింప్స్ రిలీజ్ చేస్తున్నట్టు చిత్ర నిర్మాతలు ఒక పోస్టర్ ను విడుదల చేసారు. ఈ పోస్టర్ లో సూర్య ముఖాన్ని కనిపించకుండా కేవలమ్ సైడ్ లుక్ మాత్రమే ఇచ్చారు. ఈ సైడ్ లుక్ లో కుడిభుజం, దాని మీద ఒక డిజైన్ మాదిరిగా మచ్చలు ఉన్నాయి.
10భాషల్లో రిలీజ్ కానున్న కంగువ
ప్రతీ మచ్చకు ఒక కథ ఉందని ట్విట్టర్ పోస్ట్ లో క్యాప్షన్ తగిలించారు మేకర్స్. బాహుబలి కంటే పదిరెట్లు యాక్షన్ సీక్వెన్సులతో ఈ సినిమాను తెరకెక్కిస్తున్నట్లు గతంలో చిత్రబృందం తెలియజేసింది. ఇప్పటివరకు ఈ సినిమా నుండి రిలీజైన మోషన్ పోస్టర్, ప్రేక్షకుల్లో విపరీతమైన ఆసక్తిని నెలకొల్పింది. మునుపెన్నడూ చూడని విధంగా కంగువ సినిమాలో సూర్య కొత్తగా కనిపిస్తారని అభిమానులు అనుకుంటున్నారు. దిశా పటాని హీరోయిన్ గా కనిపిస్తున్న ఈ సినిమాను శివ డైరెక్ట్ చేస్తున్నారు. ఈ చిత్రాన్ని ఒకేసారి పది భాషల్లో రిలీజ్ చేస్తామని నిర్మాతలు ప్రకటించారు. స్టూడియో గ్రీన్, యూవీ క్రియేషన్స్ సంయుక్తంగా నిర్మిస్తున్న ఈ సినిమాకు రాక్ స్టార్ దేవి శ్రీ ప్రసాద్ సంగీతం అందిస్తున్నారు.
