Lokesh & Dulquar : ఒకే కథ.. రెండు సినిమాలా? 'డీసీ', 'ఐ యామ్ గేమ్' ట్రైలర్లలో కనిపించిన షాకింగ్ పోలికలు!
ఈ వార్తాకథనం ఏంటి
లోకేష్ కనగరాజ్ హీరోగా నటిస్తున్న 'డీసీ' (DC), దుల్కర్ సల్మాన్ ప్రధాన పాత్రలో రూపొందుతున్న 'ఐ యామ్ గేమ్' (I Am Game) సినిమాల ట్రైలర్లు ప్రస్తుతం సినీ అభిమానుల్లో చర్చనీయాంశంగా మారాయి. రెండు చిత్రాలు వేర్వేరు కథలతో తెరకెక్కుతున్నప్పటికీ, ట్రైలర్లను పరిశీలిస్తే కొన్ని ఆసక్తికరమైన పోలికలు కనిపిస్తున్నాయని సినీ వర్గాలు అభిప్రాయపడుతున్నాయి. 'డీసీ' సినిమాలో లోకేష్ కనగరాజ్ పోషిస్తున్న దేవదాస్ పాత్ర నేరస్థులు, అవినీతి పోలీసుల మధ్య చిక్కుకుని పరారీలో జీవించాల్సిన పరిస్థితిని ఎదుర్కొంటుంది. మరోవైపు 'ఐ యామ్ గేమ్'లో దుల్కర్ సల్మాన్ పోషిస్తున్న డాన్ జాన్ పాత్ర కూడా అనుకోకుండా నేర ప్రపంచంలోకి లాగబడుతుంది.
వివరాలు
ప్రాణాల కోసం పోరాడాల్సిన పరిస్థితి
ఆ తర్వాత ప్రతి అడుగులో ప్రాణాల కోసం పోరాడాల్సిన పరిస్థితి ఎదురవుతుంది. ఈ రెండు కథల్లోనూ హీరో పాత్రల సర్వైవల్ జర్నీ ప్రధాన కాన్సెప్ట్గా కనిపిస్తోంది.
అంతేకాదు ట్రైలర్లలో మరో కామన్ పాయింట్ కూడా స్పష్టంగా కనిపిస్తోంది.
హీరో చుట్టూ ఉన్న వ్యవస్థ మొత్తం శత్రువుగా మారడం, ఒకవైపు గ్యాంగ్స్టర్లు.. మరోవైపు అవినీతి పోలీసులు.. మధ్యలో ద్రోహాలు, ఛేజ్ సీక్వెన్స్లు, గన్ఫైట్లు వంటి అంశాలతో ప్రేక్షకుడిని మొదటి నిమిషం నుంచి చివరి వరకు ఉత్కంఠలో ఉంచే ప్రయత్నం చేసినట్లు ట్రైలర్లు సూచిస్తున్నాయి.
వివరాలు
హీరోగా లోకేష్కు ఇదే తొలి పరీక్ష
'డీసీ' సినిమాతో దర్శకుడు లోకేష్ కనగరాజ్ తొలిసారిగా హీరోగా ప్రేక్షకుల ముందుకొస్తున్నారు.
దర్శకుడిగా ఇప్పటికే బ్లాక్బస్టర్ హిట్లు అందించి తనకంటూ ప్రత్యేక బ్రాండ్ను సృష్టించుకున్న లోకేష్, ఇప్పుడు నటుడిగానూ అదే స్థాయి విజయాన్ని అందుకోవాలని ప్రయత్నిస్తున్నారు.
అయితే దర్శకుడిగా వచ్చిన క్రేజ్ హీరోగానూ ఆయనకు ఉపయోగపడుతుందా? లేక ప్రేక్షకులు లోకేష్ను కెమెరా వెనుకే చూడాలనుకుంటారా? అన్నది ఆగస్టు 7న సినిమా విడుదలైన తర్వాత తేలనుంది.
వివరాలు
పాన్ ఇండియా సినిమాలపై కొత్త చర్చ
ఇటీవలి కాలంలో వస్తున్న పాన్ ఇండియా చిత్రాలపై కూడా ఈ రెండు ట్రైలర్లు మరో చర్చకు తెరలేపాయి.
ప్రస్తుతం డార్క్ వరల్డ్, క్రైమ్, సర్వైవల్ థ్రిల్లర్ కథలే ఎక్కువగా వస్తుండటంతో, కథల్లో కొత్తదనం తగ్గిపోతోందనే అభిప్రాయాలు వ్యక్తమవుతున్నాయి.
విజువల్ స్టైల్, మేకింగ్, యాక్షన్ ఎపిసోడ్లు మరింత మెరుగుపడుతున్నప్పటికీ, కథల్లో వైవిధ్యం తగ్గుతోందా? అనే ప్రశ్న సినీ వర్గాల్లో వినిపిస్తోంది.
ట్రైలర్లు ఒకే తరహా అనుభూతిని కలిగించినా, చివరికి ప్రేక్షకుల తీర్పును నిర్ణయించేది కథనం, స్క్రీన్ప్లే, కొత్తదనం మాత్రమే.
అందుకే 'డీసీ', 'ఐ యామ్ గేమ్' చిత్రాల్లో హైప్ కాదు.. కథను ఎంత కొత్తగా, ఆసక్తికరంగా చెప్పారన్నదే విజయాన్ని నిర్ణయించనుంది.