రానా నాయుడు సిరీస్ సీజన్ 2 పై నెట్ ఫ్లిక్స్ క్లారిటీ
విక్టరీ వెంకటేష్, రానా దగ్గుబాటి ప్రధాన పాత్రల్లో కనిపించిన రానా నాయుడు సిరీస్ కు ప్రేక్షకుల నుండి మిశ్రమ స్పందన వచ్చింది. ఈ సిరీస్ లో బూతులు మరీ శృతిమించి పోయాయని నెటిజన్లు కామెంట్లు చేసారు. విక్టరీ వెంకటేష్ బూతులు మాట్లాడ్డం నచ్చలేదని మరికొందరు అన్నారు. రానా నాయుడుకు వచ్చిన నెగెటివ్ కామెంట్ల నేపథ్యంలో ఈ సిరీస్ కు రెండవ సీజన్ ఉండదేమోనని అందరూ అనుకున్నారు. కానీ అందరికీ షాకిస్తూ రానా నాయుడు రెండవ సీజన్ ని ప్రకటించింది నెట్ ఫ్లిక్స్. ఈరోజు ఈ విషయమై అప్డేట్ ఇచ్చింది. మరికొద్ది రోజుల్లో రానా నాయుడు సీజన్ 2 వచ్చేస్తుందని ఒక చిన్నపాటి వీడియోను రిలీజ్ చేసింది.
టీవీ సిరీస్ ఆధారంగా రూపొందిన రానా నాయుడు
తండ్రీ కొడుకుల మధ్య సాగే వైరుధ్యాలను రానా నాయుడు సిరీస్ లో చూపించారు. 2013లో వచ్చిన టీవీ సిరీస్ రే దోనోవన్ ఆధారంగా ఈ సిరీస్ ని తెరకెక్కించారు. యాక్షన్ డ్రామాగా రూపొందిన ఈ సిరీస్ కు, బీవీఎస్ రవి స్క్రీన్ ప్లే అందించారు. బాలీవుడ్ దర్శకులైన సూపర్న్ వర్మ, కరణ్ అన్షుమాన్ తెరకెక్కించారు. సుచిత్ర పిళ్ళై, గౌరవ్ చోప్రా కీలక పాత్రల్లో కనిపించారు. ఐతే ఈ సిరీస్ రెండవ సీజన్ ని తీసుకొస్తున్నామని నెట్ ఫ్లిక్స్ తెలియజేసింది గానీ ఎప్పుడు తీసుకొస్తున్నారనేది వెల్లడి చేయలేదు. బూతుల విషయంలో మొదటి సిరీస్ కు విపరీతమైన నెగెటివ్ కామెంట్స్ వచ్చాయి. మరి ఈసారి బూతుల డోస్ తగ్గిస్తారా లేదా అనేది చూడాలి.
