ఓటీటీ: మే నెల మొదటి వారంలో ఓటీటీ ద్వారా పలకరించబోతున్న సినిమాలు
ఈ వార్తాకథనం ఏంటి
ప్రతీ వారం అటు థియేటర్లలోకి కొత్త సినిమాలు వస్తూనే ఉంటాయి. థియేటర్లలోంచి వెళ్ళిపోయిన సినిమాలు ఓటీటీలోకి వచ్చేస్తుంటాయి.
ఈ వారంలో ఓటీటీ ద్వారా ప్రేక్షకులకు ఆనందాన్ని పంచే సినిమాలేంటో ఇక్కడ తెలుసుకుందాం.
మీటర్:
కిరణ్ అబ్బవం హీరోగా నటించిన ఈ చిత్రం, థియేటర్లలో నెగెటివ్ టాక్ తెచ్చుకుని బాక్సాఫీసు వద్ద డిజాస్టర్ గా నిలిచింది. రమేష్ కాదూరి దర్శకత్వం వహించిన ఈ సినిమా, మే 5వ తేదీ నుండి నెట్ ఫ్లిక్స్ లో అందుబాటులో ఉంటుంది.
మ్యాచ్ ఫిక్సింగ్:
విశ్వంత్, ప్రగ్యా నయన్, అభిజిత్, అసంతి కృష్ణన్ ప్రధాన పాత్రల్లో కనిపించిన ఈ సినిమాను ఈ. సత్తిబాబు డైరెక్ట్ చేసారు. ఈటీవీ విన్ లో మే 5నుండి స్ట్రీమింగ్ అవుతుంది.
Details
నాగశౌర్య, మాళవిక నాయర్ నటించిన చిత్రం ఓటీటీలోకి
ఫలానా అబ్బాయి ఫలానా అమ్మాయి:
ఊహలు గుసగుసలాడే, జ్యో అచ్యుతానంద చిత్రాల తర్వాత శ్రీనివాస్ అవసరాల దర్శకత్వంలో నాగశౌర్య నటించిన మూడవ చిత్రం ఇది. మాళవికా నాయర్ హీరోయిన్ గా కనిపించిన ఈ చిత్రం, బాక్సాఫీసు వద్ద నిరాశ పరిచింది.
ప్రస్తుతం, మే 5వ తేదీ నుండి సన్ నెక్స్ట్ వేదిక ద్వారా అందరికీ అందుబాటులో ఉండనుంది.
1947 ఆగస్టు 16:
చాలా రోజుల తర్వాత మురుగదాస్ సమర్పణలో వచ్చిన చిత్రం ఇది. గౌతమ్ కార్తీక్ హీరోగా కనిపించిన ఈ సినిమాను ఎస్. ఎస్ పొన్ కుమార్ డైరెక్ట్ చేసారు. టెంట్ కొట్ట ఫ్లాట్ ఫామ్ లో మే 5వ తేదీ నుండి స్ట్రీమింగ్ అవుతుంది.