చిరంజీవి భోళా శంకర్ తర్వాత వారం రోజుల గ్యాప్ లో వచ్చేస్తున్న మెగా మేనల్లుడు
మెగాస్టార్ చిరంజీవి నటిస్తున్న భోళాశంకర్ సినిమా, ఆగస్టు 11వ తేదీన రిలీజ్ అవుతున్న సంగతి తెలిసిందే. మెహెర్ రమేష్ దర్శకత్వం వహిస్తున్న ఈ సినిమా నుండి ఆల్రెడీ టీజర్ కూడా రిలీజైంది. అయితే భోళాశంకర్ సినిమా వచ్చిన వారం రోజుల తర్వాత మెగా మేనల్లుడు పంజా వైష్ణవ్ తేజ్, ఆదికేశవ సినిమాను ప్రేక్షకుల ముందుకు తీసుకువస్తున్నాడు. ఆదికేశవ చిత్రాన్ని ఆగస్టు 18వ తేదీన రిలీజ్ చేస్తున్నట్టు చిత్రబృందం ప్రకటించింది. వాల్తేరు వీరయ్య సినిమా బ్లాక్ బస్టర్ తర్వాత చిరంజీవి ఫుల్ ఫామ్ లో ఉన్నారు. భోళాశంకర్ పై మంచి ఎక్స్ పెక్టేషన్స్ ఉన్నాయి. ఇటువైపేమో ఉప్పెన తర్వాత కొండపొలం, రంగరంగ వైభవంగా చిత్రాలతో డిజాస్టర్లు అందుకున్నాడు వైష్ణవ్ తేజ్.
ఆదికేశవతో హిట్టు కొట్టాలని చూస్తున్న పంజా వైష్ణవ్ తేజ్
పంజా వైష్ణవ్ తేజ్ కెరీర్ కు ఆదికేశవ చిత్ర ఫలితం కీలకం కానుంది. ఈసారి ఎలాగైనా హిట్టు కొట్టాలని పంజా వైష్ణవ్ భావిస్తున్నాడు. ఆదికేశవ చిత్రంలో శ్రీలీల హీరోయిన్ గా కనిపిస్తోంది. శ్రీకాంత్ ఎన్ రెడ్డి దర్శకత్వం వహిస్తున్న ఈ సినిమాను సితార ఎంటర్ టైన్మెంట్స్, ఫార్ఛూన్ ఫోర్ సినిమాస్ బ్యానర్లపై నాగవంశీ, సాయి సౌజన్య నిర్మిస్తున్నారు. ఇక భోళాశంకర్ విషయానికి వస్తే, ఇందులో తమన్నా హీరోయిన్ గా కనిపిస్తుంది. చిరంజీవికి చెల్లెలుగా కీర్తి సురేష్ కనిపిస్తోంది. ఏకే ఎంటర్ టైన్మెంట్స్ బ్యానర్ లో రూపొందుతున్న ఈ సినిమాను రామబ్రహ్మం సుంకర నిర్మిస్తున్నారు.
