పవన్ కళ్యాణ్ అభిమానులకు క్రేజీ న్యూస్: రీ రిలీజ్ కు రెడీ అవుతున్న తొలిప్రేమ
ఈ వార్తాకథనం ఏంటి
తెలుగు సినిమా ఇండస్ట్రీలో రీ రిలీజ్ ల పర్వం కొనసాగుతూనే ఉంది. మహేష్ బాబు పోకిరి సినిమాతో మొదలైన ఈ ప్రారంభం, పవన్ కళ్యాణ్ ఖుషి, రామ్ చరణ్ ఆరెంజ్, ప్రభాస్ రెబెల్, ఎన్టీఆర్ సింహాద్రి చిత్రాలతో కొనసాగుతూనే ఉంది.
తాజాగా పవన్ కళ్యాణ్ నటించిన మరో బ్లాక్ బస్టర్ మూవీ, రీ రిలీజ్ కు సిద్ధమవుతోంది. పవన్ కళ్యాణ్ ని కుటుంబ ప్రేక్షకులకు దగ్గర చేసిన చిత్రం తొలిప్రేమ, మళ్ళీ విడుదలవుతోంది.
ఈ మేరకు అధికారికంగా ప్రకటన కూడా వచ్చేసింది. జూన్ 30వ తేదీన తొలిప్రేమ సినిమా థియేటర్లలో మళ్ళీ సందడి చేయనుంది. ఈ నేపథ్యంలో పవన్ కళ్యాణ్ అభిమానులు హ్యాపీగా ఉన్నారు.
Details
25ఏళ్ల తొలిప్రేమ
కీర్తి రెడ్డి హీరోయిన్ గా నటించిన తొలిప్రేమ సినిమాను ఏ కరుణాకరన్ డైరెక్ట్ చేసారు. కరుణాకరన్ దర్శకత్వం వహించిన మొదటి సినిమా ఇదే.
పవన్ కళ్యాణ్ కెరీర్ లో మూడవ చిత్రంగా రిలీజైన తొలిప్రేమ అద్భుతమైన విజయాన్ని సొంతం చేసుకుని, పవన్ కెరీర్ లో క్లాసిక్ లవ్ స్టోరీగా నిలిచిపోయింది.
ఈ సినిమాలో కొన్ని సీన్లు ఐకానిక్ గా నిలిచిపోయాయి. ముఖ్యంగా హీరోయిన్ ఎంట్రీ సీన్, క్లైమాక్స్ లో ఎయిర్ పోర్ట్ సీన్.. ఇవన్నీ తెలుగు సినిమాకు ట్రెండ్ సెట్టర్ గా నిలిచిపోయాయి.
తొలిప్రేమ రిలీజై ఇప్పటికి 25ఏళ్ళు పూర్తవుతుంది. ఈ కారణంగా మరోసారి ప్రేక్షకులను తొలిప్రేమ అనుభవాలను గుర్తు చేయడానికి మళ్ళీ విడుదల అవుతోంది.