Andrea Jeremiah : 'పిశాచి 2' న్యూడ్ పోస్టర్ వివాదం.. ఆండ్రియా జెరెమియా కీలక వ్యాఖ్యలు
ఈ వార్తాకథనం ఏంటి
కోలీవుడ్‌ను కుదిపేసిన 'పిశాచి 2' న్యూడ్ పోస్టర్ వివాదంపై హీరోయిన్ ఆండ్రియా జెరెమియా స్పష్టమైన వివరణ ఇచ్చింది. ఇటీవల ఓ ప్రముఖ ఛానల్‌కు ఇచ్చిన ఇంటర్వ్యూలో ఆమె సినిమా షూటింగ్ నుంచి వైరల్ పోస్టర్ వరకు అనేక కీలక విషయాలను వివరించింది. మిస్కిన్ దర్శకత్వం వహించిన ఈ హారర్ థ్రిల్లర్ షూటింగ్ ఎంతో కాలం క్రితమే పూర్తయినా, వివిధ కారణాల వల్ల ఇప్పటి వరకు విడుదల కాలేదని తెలిపింది. ప్రీ-ప్రొడక్షన్ దశలోనే ఒక బోల్డ్ సీన్ గురించి టీమ్ చర్చించినట్లు ఆండ్రియా వెల్లడించింది. కథా చర్చల సమయంలో ఆ సన్నివేశంపై ఒక నిర్ణయానికి వచ్చినప్పటికీ, అసలు షూటింగ్ మొదలయ్యాక ఆ సీన్‌ను పూర్తిగా తొలగించారని వెల్లడించింది.
Details
ఎలాంటి న్యూడ్ సీన్లలోనూ నటించలేదు
అయితే సినిమా కోసం విడుదలైన పోస్టర్‌లో ఆమె నగ్నంగా ఇచ్చిందన్న ఆరోపణలను ఆండ్రియా ఖండించింది. పిశాచి 2 కోసం నేను ఎలాంటి న్యూడ్ సీన్లలోనూ నటించలేదు. ఆ సినిమాలో ఎవరూ అలాంటి సన్నివేశాలు చేయలేదని స్పష్టం చేసింది. సోషల్ మీడియాలో వైరల్ అయిన ఆ పోస్టర్‌కు సినిమాతో నేరుగా సంబంధం లేదని తెలిపింది. సినిమా కథ ప్రకారం కొన్ని బోల్డ్ సీన్స్ ఉన్నప్పటికీ, అవి న్యూడిటీకి సంబంధం లేకుండా, కథను బలోపేతం చేయడానికి మాత్రమే ఉన్నాయని ఆండ్రియా పేర్కొంది. ఆమె చేసిన ఈ వ్యాఖ్యలు ప్రస్తుతం కోలీవుడ్‌లో పెద్ద చర్చకు దారితీశాయి.