Prabhas: ప్రభాస్ అభిమానులకు భారీ షాక్.. సలార్ విడుదల వాయిదా!
ఈ వార్తాకథనం ఏంటి
సలార్ సినిమా సెప్టెంబర్ 28న వస్తుందని ప్రభాస్ ఫ్యాన్స్ ఎంతో ఆశగా ఎదురుచూస్తున్నారు.
ఇప్పుడు వాళ్ల ఆళలపై నీళ్లు జల్లుతూ ఓ ప్రకటన బయటికొచ్చింది. ప్రశాంత్ నీల్ దర్శకత్వంలో వస్తున్న సలార్ మూవీ వాయిదా పడే అవకాశముందని సోషల్ మీడియాలో జోరుగా ప్రచారం సాగుతోంది.
ఈనెల 28న ప్రపంచ వ్యాప్తంగా ప్రేక్షకుల ముందుకు రావడానికి సిద్ధమైన సలార్, ఇప్పుడు డిసెంబర్ కు పోస్ట్ పోన్ అయిందంటూ సినీ విశ్లేషకులు కామెంట్లు పెడుతున్నారు.
మరికొందరు సెప్టెంబర్ 6న ట్రైలర్ రిలీజ్ అవుతుందని అంటుంటే.. కావాలని కొంతమంది పుకార్లను సృష్టిస్తున్నారని మరోవైపు ప్రచారం సాగుతోంది.
Details
డిసెంబర్ లో సలార్ మూవీ..?
సలార్ వాయిదాపై మరికొన్ని రోజుల్లో మూవీ టీం అధికారికంగా ప్రకటన ఇచ్చే అవకాశముంది. వాయిదా వేసిన అంశాన్ని తొలుత ప్రకటించి, ఆ తర్వాత కొన్ని రోజులకు కొత్త విడుదల తేదీని ప్రకటిస్తారట.
సలార్ సినిమాలో ప్రభాస్ సరసన శృతి హాసన్ కథానాయికగా నటించారు.
ఆమె జర్నలిస్ట్ రోల్ చేస్తున్నట్లు సమాచారం. జగపతి బాబు, ఈశ్వరీ రావు, శ్రియారెడ్డి, ఇతర పాత్రల్లో నటిస్తుండగా, ఈ సినిమాను హోంబలే ఫిలింస్ నిర్మిస్తోంది. సలార్ రెండు భాగాలుగా థియేటర్లలోకి రానుంది.