RCB for Salaar: ఆర్సీబీతో 'సలార్' ప్రమోషన్స్.. ప్లానింగ్ అదిరిపోయిందిగా..
ప్రభాస్-ప్రశాంత్ నీల్ కాంబినేషన్లో వస్తున్న చిత్రం 'సలార్'. ఈ సినిమా రెండు భాగాలుగా విడుదల చేయనున్నారు. ఇప్పటికే 'సలార్ పార్ట్ 1: సీజ్ఫైర్' విడుదలకు సిద్ధమైంది. ఈ మూవీని డిసెంబర్ 22న రిలీజ్ చేస్తారని చిత్ర యూనిట్ ఇటీవల ప్రకటించారు. ఈ నేపథ్యంలో సినిమాకు సంబంధించిన ప్రమోషన్స్లో మేకర్స్ బిజీ అయ్యారు. సలార్ ప్రమోషన్స్ను చిత్ర బృందం గట్టిగానే ప్లాన్ చేస్తోంది. సలార్ ప్రమోషన్స్ కోసం బెంగుళూరు ఐపీఎల్ టీం ఆర్సీబీ(RCB)ని రంగంలోకి దింపింది. తాజాగా సలార్ ట్రైలర్ తేదీని ప్రమోట్ చేస్తూ ఆర్సీబీ ఓ పోస్ట్ పెట్టింది. డిసెంబర్ 1న ట్రైలర్ విడుదల కాబోతున్నట్లు అందులో చెప్పింది. దీంతో సలార్ కోసం ఆర్సీబీ రంగంలోకి దిగడంతో ప్రభాస్ ఫ్యాన్స్ ఖుషీ అవుతున్నారు.